اقتباس:
المشاركة الأصلية كتبت بواسطة *طالبة حزينة *
بصوا الكلام في الموضوع ده يطووووول قووي واعتقد ان شاء الله ناس كتيير هتفيدكو بس انا احب اقولكو معلومة تناية كده خليها حلقة في ودانكو ان
الثقة معناها (ثقة في الله ) وفي النفس بردو اكيد ..,,,بس مش ثقة في النتيجة ( هتكوون ايه بالضبط ؟؟)
يعني انت تكون واثق ان ربنا مش بيضيع تعب حد والله العظيم مش بيضيع تعب حد
بس في نفس الوقت ربنا له حكمة تانية غيير مفوهمنا احنا علشان كده وباختصاار
خليكو عندي جزء التوكل على الله ده وان ربنا كبييير وهينصرنا
ومش تحسبوها بالسنتي وتتعبو اعصابكو
مش عارفة اذا كانت رسالتي وصلت ولا ايه ؟؟
وربنا معااكو ويوفقك كل طاالب دا خل ثانوية عامة جديييد
وان شاء الله نقولكوا يا دكاترة او مهندسين كمان سنتين كده
|
ليه بس اسم الطالبة الحزينة دا ؟؟ خليكي متفاءلة
اقتباس:
المشاركة الأصلية كتبت بواسطة تقى 93
بصى ياقمر انا هقولك
اولا لازم تكونى قريبة من ربنا اوووووووووى اوعى مذاكرتك تبعدك عن ربنا عشان ربنا يباركلك فى مذاكرتك
ثانيا فى العربى حلى نحو وبلاغة كتيييييييير على قد ماتقدرى والادب لازم لازم لازم تذاكريه من كتاب المدرسة اوعى تعتمدى على مذكرات المستر وبس لازم تذاكرى من الاتنين مع بعض وتحلى كل اسئلة دليل التقويم وكتاب المدرسة متسيبيش سؤال فيهم من غير حل الفيزيا والكيميا والرياضة الحل ثم الحل ثم الحل مهم جدا فيهم خاصة الرياضة الاحياء محتاجة حفظ على فكرة وفهم بسيط ومحتاجة مراجعة كتيييييير اوى لازم تراجعيها دايما الانجليزى الكلمات ثم الكلمات احفظى كلمات برة المنهج كتيير وعليكى بكتاب ذا بيست مراجعة نهائية حليه كله وكل القطع اللى فيه بيجى منه فى الامتحانات كتييييير اوى والله
ثالثا اوعى ثم اوعى ثم اوعى تذاكرى وانتى تعبانة لازم على الاقل تاخدى يوم كل شهر او نص يوم كل اسبوع تريحى فيه اخرجى او اقعدى فاضية متفقكريش فى اى حاجة عشان مينفعش تفضلى طول السنة بتذاكرى من غير راحة كدة المعلومات هتدخل فى بعض
واخيرا ثقى بالله انك لو تعبتى وعملتى اللى تقدرى عليه ربنا عمره ماهيضيع تعبك وهيديكى اكتر منه كمان
انا السنة دى لسة مخلصة تالتة ثانوى وكنت بعمل كدة والحمد لله كنت مرتاحة ومش مضغوطة ولا حاسة ان الثانوية العامة دى حاجة تخنق كانت عادى يعنى صحيح ساعات كنت بحس انى متضايقة بس مش كتير لانى مكنتش واخداها على اعصابى وحطى لنفسك هدف عالى اوووى وحاولى تحققيه لان الغلطة اللى غلطها ان كان هدفى اجيب مجموع وبس بس لما فكرت طاب بعد مااجيب مجموع هعمل ايه لقيت نفسى مش عارفة فنصيحة فكرى فى هدف يعنى مثلا فكرى فى الكلية اللى عايزة تدخوليها وفكرى بعد ماتتخرجى منها هتشتغلى فى ايه وازاى كل دة هيخليكى حابة المذاكرة والدراسة وهتحسى انها مش فرض عليكى
واخيرا ادعيلى بقى اجيب المجموع اللى بحلم بيه وادخل الكلية اللى ترضينى وانهم يرحمونا شوية فى التصحيح
|
ربنا يبشرك بالجنة