اقتباس:
المشاركة الأصلية كتبت بواسطة واحـد من النــاس
طب تسمحلي يا اسلام انت وعادل اجاوب بالنيابة عن احمد عن السؤال الأخير لحد ما ييجي .......
انت بتسأله ليه ما راحش يحارب .. انا هسألك نفس السؤال .. ماروحتش ليه ؟؟؟ انت متواكل ؟؟؟ مكتفي بالدعاء بس ؟؟؟ اعتقد ان اجابتك ... لأ بس عبور الحدود مش بالسهولة .. ثانيا واحد لوحده ملوش لزمة !!!!!!
اعتقد بردو ان دي اجابة اي حد هيتسأل السؤال ده ...
بالنسبة بأه لكلامك في الأول .. فده يدل على انكو مش عايزين تفهموا الموضوع ..
اولا احمد مش بيقولك ماتدعيش .. بس بيقولك خد بالأسباب .. هتقولي مفيش في ايدي غير الدعاء ومش هاعرف اجاهد .. بسيطة .. جاهد نفسك الأول .. ابعد عن المعاصي .. لو كل واحد عمل كده محدش هيقول مفيش في ايدي غير الدعاء .. حال المسلمين هيتغير 180 درجة .. فلسطين هتحرر ان شاء الله .. لكن مثلا واحد مابيصليش .. وتيجي تقوله غزة محاصرة يتأثر ويدعي ويقول مفيش في ايدي غير الدعاء .. انت اه مفيش في ايدك غيره ..
سئل ابراهيم بن ادهم ، مالنا ندعو فلا يستجاب لنا
فقال ماتت قلوبكم
قالوا : وماأماتها ؟قال عشرة اشياء
الأول : عرفتم الله ولم تؤدوا حقه
الثاني: قرأتم كتاب الله ولم تعملوا به
الثالث: إدعيتم حب الرسول صلى الله عليه وسلم وتركتم سنته
الرابع: إدعيتم عداوة الشيطان ووافقتموه
الخامس: قلتم نحب الجنه ولم تعملوا لها
السادس: قلتم نخاف النار ورهنتم انفسكم بها
السابع: قلتم إن الموت حق ولم تستعدو له
الثامن: اشتغلتم بعيوب اخوانكم وتركتم عيوبكم
التاسع: اكلتم نعمة ربكم ولم تؤدوا حقها
العاشر: دفنتم موتاكم ولم تعتبروا بهم
|
حلو اوي لحد كدة واجابة نموذجية للوضع الي احنا فيه باستثناء الكلام الي انتا بتوجههولهم فوق ......ماشي احنا دلوقتي هانساعدهم بالدعاء...هانحاول نعمل العشر حاجات دول تمام وهاندعي ان شاء الله .... وبرضوا رجعنا للنقطة الاساسية وهي الدعاء....بصوا يا جماعة انا سبق وقلت احنا مش رسل ولا انبيا ولا من اولياء الله عشان كل حرف ندعي بيه يستجاب...بس نحاول.... مشكور يا واحد من الناس مشكور يا احمد مشكور لكل الناس الي ردوا...ممكن بقى نقفل الموضوع دة ونعمل بالحاجة التامنة الي موجودة تحت دي وننتبه ليها....مشكورين ...وبصراحة الموضوع زاد اوي ..يا جماعة احنا مسلمين مش معقولة يعني وقت الجد عمالين نتخانق على حاجة ثابتة ومعروفة ...الدعاء مهم جدا وقيمته عالية جدا ولازم نعمل حاجات كتير اوي عشان الدعوة تستجاب عالاقل بلاش نسلم للشيطان.........مشكورين ...وبالمناسبة آسف يا احمد لو كنت اتدخلت في شيء مايخصنيش بما ان الموضوع دة بتاعك..مع ان عادي يعني...