اقتباس:
المشاركة الأصلية كتبت بواسطة dr.nariman
السلام عليكم ورحمة الله وبركاته
انا خلاص طقيت من نافوخي ،،ـ ساعة تروح وساعة تيجي 
شوية يقولوا خدي احياء وشوية يقولوا خدي كيميا
ممكن تنصحوني وتقولولي ليه ؟؟
يعني ماذا مع التفسيرر من الاخر كدا ؟؟؟ 
وشكرا
ملاحظة مهمة : دا مش هزار على فكرة دا مستقبل !! |
كل واحد عنده رأيه الخاص بيه واللي يناسب غيرك ممكن ميناسبكيش واللي يناسبك ممكن ميناسبش غيرك
يعني متخليش كلام الناس يلعب بيكي ويوديكي يمين وشمال خلي عندك رأيك زي ما الناس عندها رأيها
طبعا رأيك مش هتخلقيه من فكرك لوحدك هتاخديه من حاجات كتيير اول حاجة من تجارب السابقين اسمعيها كويس من الطرفين ومن ميولك انتي وهدفك وقدراتك وفي الاول وفي الآخر الاستخارة اهم حاجة لان ربنا هو اللي عالم الخير ليكي وزي ما قلتلك الخير ليكي ممكن ميكونش الخير لغيرك ،،
اقتباس:
المشاركة الأصلية كتبت بواسطة qqwawa
انا من رأى كيميا فى تانيه علشان تمسكى العصايا من النص غير انى قريت سبب تانى ان علماء علم النفس بيقولوا ان الاحياء و الفيزياء محتاجه عقل سنه اكبر شويه علشان يستوعب ببساطه يعنى |
موضوع مسك العصايا من النص دا مش بقتنع بيه لان بكل بساطة كدا اللي مش هيقدر يجيب مجموع في الكيمياء ازاي هيقدر يجيب مجموع في رياضيات 2 عشان يدخل هندسة ؟؟ + طول ما احنا مفترضين انني ممكن منجبش مجموع في تانية يبقا عمرنا ما هنجيبه لاننا لازم نؤمن ونثق بربنا وميكونش اصلا عندنا افتراض اننا ممكن منجبش مجموع لان دا في حد ذاته باب من ابواب التوتر اما اذا اخدنا احياء فهيبقا مش ادامنا الا اننا نجيب مجموع و عقلنا مش هيبقا عنده التصور بتاع اننا ممكن منجبش مجموع فبالتالي مش هيعمل غير اللي يوصلنا للاحنا عاوزينه .. دا رأيي المتواضع وان شاء الله الخير ليا لاني استخرت ربنا ،،
اقتباس:
المشاركة الأصلية كتبت بواسطة رقيه.
انا من رايي تعملي استخارة
لان كل انسان ليه قدراته
|
ونعم الرأي ،،