ازيك يا دكتور حازم ,, صدقني واحشني كتيييييييير من ايام الاحياء و انت غطست مش عارف فين كدا ,,, بس يلا نو بروب ,, شكلك مكنتش علم نفس
صدقني يا حازم ,, انا مش عارف اقولك انا مبسوط اد اية بردك دا ,,, و دا كان عشمي في كل اصحابي في المنتدي اللي عارفين مين هو ابانوب ( مش طلبا ) ,,,
و ع فكرة انا كنت ناوي ادرج الاكونت بتاعي ع الفيس بوك هنا في توقيعي ع المنتدي ,,,, عشان يكون التواصل بينا اسهل و اسرع ,,, بس يبدو ان النية جت متاخرة حبتين ,,, الحمد لله ع كل حال
==> ممكن انا اوضحلك يا حازم الموضوع ,,, بس برضة مستني معاك رد ادارة المنتدي اللي وقفتني بالشكل العجيب دا
باختصار شديد جدا ,,, انا كنت معارض الحملة الشرسة اللي اتوجهت لموبينيل ( مش لشخص ساويرس )
و ياريت اللي مكنش فاهم دا ,,, يفهمه كويس جدا ,,,
و كانت اسبابي اللي اعلنتها كالتالي :::
1- نجيب ساويرس له اقل من التلت (29%) من شركة موبينيل حاليا ,,, و الباقي لفرانس تليكوم
يعني المتضرر الاكبر لا ذنب له
2- لو موبينيل نفسها قفلت ,,, دا مش معناه ان نجيب ساويرس هيشحت و لا حاجة ,,, عشان دا ملتي ملياردير
و غير كدا ,,, الشركة لو قفلت هو مش هيحقق ارباح ,,, لكن مش هيخسر راس مال او فلوس
3- المتضرر الاكبر هو المهندسين و المحاسبين و العمال و اللي شغالين في موبينيل ( و اللي اغلبهم مسلمين ) يعني زي اللي بيفجر مكان فيه واحد صهيوني مثلا ,,, و المكان دا كل اللي فيه مسلمين !!!!! دا اللي انا قلته و يمكن استفز المستر عصام
4- لما جيت اتكلم ع الصورة بتاعة ميكي و ميني ماوس ,,,,
قلت : * ايهما اساء لصورة الاسلام عند الغرب و عند المسلمين انفسهم اكثر ,,, الشيخ المنجد ام نجيب ساويرس ؟؟؟ هل عندما افتي الشيخ المنجد بقتل ميكي ماوس , ام عندما البسه السعوديين الجلباب الخليجي و نقل عنهم هذة الصورة نجيب ساويرس ؟؟؟؟
و قلت كمان : * اليس في تلبيس باربي ( و هي دمية والت ديزني الكرتونية ايضاً ) الحجاب و تحويلها الي فلة , هو اساءة ايضا بنفس المنطق للحجاب كرمز ديني ؟؟؟ !!!
و قلت كمان : الا يكفي الاعتذار ؟
و قلت كمان : الصورة دي مش بتمثل استهزاء بالزي الاسلامي و الرمز الاسلامي بقدر ما هي بتنتقد وضع سياسي سنصل اليه حالما وصل الاصوليين للحكم في مصر ,, اي ان مصر ستتحول لا محالة الي سعودية ثانية او ايران ثالثة ,,, دولة ثيوقراطية
لان الصورة دي اتنشرت في المواقع السعودية وقت الاعلان عن افتتاح ديزني لاند هناك ,,, فوضع بعض الشباب السعودي هذة الصور كمزحة لكي لا تكون ميني فتنة للاطفال هناك
و لو الناس دققت شوية في الصورة هتلاقي
ان ميكي لابس جلباب و عقال خليجي ( زي خليجي مش اسلامي )
ان ميني لابسة النقاب ( اللي هو زي خليجي رسمي لكل الخليجيات السعوديات يفرض عليهن و لو بالاجبار )
اذن الموضوع مكنش قصده الزي و لا الرمز الاسلامي ,,, و لكن يبدو اننا شعبي عاطفي اكثر من اللازم يجري وراء الاشاعات بسهولة جدا