[وردة امل]

المشاركة الأصلية كتبت بواسطة mr. Ali 1

حكاية مش جديدة يا فرح . كل سنة بتحصل الحكاية دي حتي قبل ما انتي تتولدي
ماهى يا مستر المصيبة انها مش جديدة
كل سنة نفس السناريو بيتقال وبردو الناس بتتفرج وده اللى بيشجعهم على انهم يعملوا
المسلسلات وعلى رأى المثل اللى بيقول كانك ياابو زيد ماغازيت
أصل انتي مش عارفة أصل الحكاية دي ايه ولا هي منتشرة في نسبة المشاهدة الكبيرة جداً ليه .
فى خطأ يا مستر حضرتك نسيت حرف
وده سؤالى يا مستر الناس مرتبطة بالحاجات دى ليه
مع انها ممكن تتفرج على برامج دينيه او تقرا قرءان احسن من انها تتفرج على معاصى
وتاخد ذنوب وسيئات كتيييييييييرة
زمااااااااااااااان لما كنا في سنكم ,
قول لزمان ارجع يا زمان
كان التليفزيون المصري فقط هو اللي شغال ( قناتين فقط ) وكل قناة بتذيع مسلسل عربي واحد في اليوم ( القناة الأولي مسلسل جديد بايخ جداً
عارفاه كان بيجى الساعة 7 وكان بايخ بردو يامستر
, والقناة التانية مسلسل معاد وأكيد بردوا بايخ جداً )
اما ده بئا كان بيجى الساعة تمانية وربع وبردو كان بايخ
وماشى على نفس الاسطوانه تحصل صراعات فى المسلسل وفى اخره البطل
والبطلة يجوزوا او فى واحد منهم يموت وبعدها تبدأ مأساة المشاهد
فكان شهر رمضان بالنسبة للشعب المصري حاجة مختلفة في كل شيء . سواء مظاهر هذا الشهر المبارك ( فوانيس رمضان مع الأطفال - الفوانيس اللي بالشمعة - أو الفوانيس المعلقة امام كل بيت والزينة التي كنا نصنعها بأيدينا , والكنافة والقطايف والبلح والياميش , ودول مكنش الواحد يشوفهم غير في رمضان فقط )
رمضان كان زمان حاجة مختلفة وغير كل الشهور الناس بتستناه وتعد العدة
والبلح وقمر الدين والفوانيس بتاعة رمضان
لكن دلوقتى شهر رمضان مش زى زمان كان زمان احلى بكتيير
وبالنهار مكنش فيه مسلسلات في التليفزيون خالص ( فقط برامج منوعة وفوازير عمو فؤاد ) لكن بعد الافطار , تبدأ المعمعة الكبري ( في الوقت دا كانت كبري ) فوازير نيلي ( أو سمير غانم أو شيريهان ) وبعد كدا مسلسلات علي القناتين ( كلها جديدة لانج ) وتفضل المسلسلات دي شغالة لحد قرأن الفجر . والناس كانت مرتبطة بالمسلسلات دي كتير جداً .
فوازير فطوطة وعمو فؤاد انا فكراهم كنت بتفرج عليهم وانا صغيرة
وكمان بوجى وطمطم وبعد كده بكار كانت حاجات حلوة زمان
لكن دلوقتى كله هبل وتنطيط
تخيلي انتي بقي لما الناس فجأة تلاقي عندها أكتر من 15 قناة فضائية وكل قناة فيهم بتذيع 5 مسلسلات أو أكتر وكلهم جديدة لانج ( صحيح كلهم تقريباً بلا هدف مفيد ومعمولين علشان الاعلانات فقط , لكن الناس اتعودت وخلاص )
حضرتك تقصد اكتر من 150 قناه
وكل قناة عليها 20 مسلسل وكلهم تقريبا فى معظم القنوات
ويقولك كله حصرى
اما البرامج , فكان زمان البرامج المشهورة هي برنامج الجائزة الكبري ( لطارق حبيب ) وكان برنامج هادف وناجح جداً , وكذلك برنامج حمار سريع جداً جداً ( قصدي حوار صريح جداً جداً ) وبردوا كان برنامج ناجح جداً . ولما الناس ارتبطت بهذه البرامج الناجحة , العدوي بتنتشر بسرعة البرق . فأصبحت كل قناة لها برامج ( مش مهم خالص تكون هادفة , المهم انها تجيب اعلانات وبس )
البرامج دى اول مرة اسمع عنها صراحة
بقولك ايه يا فرح . انا كتبت أكتر من موضوعك نفسه
فعلا حضرتك كتبت اكتر من موضوعى
لكن اضافتك جميلة جدا للموضوع يا مستر
حضرتك بتتكلم عن ايام زمان وانا تكلمت عن اللى بيحصل دلوقتى
كفاية كدا . بلاش تتفرجي علي المسلسلات ولا البرامج وريحي دماغك وخلاص . ( اتفرجي علي المسلسلات السورية التاريخية أو السورية الدينية فقط )

انا فعلا مش هتفرج يا مستر عليها
لانى مش محتاجة ذنوب وسيئات ملهاش لزمة
وشكرا على اضافتك الجميلة يا مستر
ونورت يا مستر