السلام عليكم ورحمة الله وبركاته
أهلا بجميع الطلبة في موضوعي
انا بطرح الموضوع النهاردة للنقاش معاكو
لما كل طالب بيدخل الثانوية العامة بيبقوا الاهل نفسهم ان ابنهم يجيب اعلى مجموع وفي اهالي يعدوا يقولوا دكتور إن شاء الله وفي أهالي بتغصب ابنها على الطب وهو مش عايزه
وللأسف نظرة مجتمعنا قاصرة فقط على ان اللي دخل طب هو اللي ناجح ومتفوق وشاطر والباقي "لا شيء"
والطالب ياعيني عليه يمكن اول حاجة بتخوفه انه لو مادخلش طب يبقى الفاس وقعت في الراس
وللاسف في الاخر اغلب الدكاترة لا ضمير ولا علم ولا عمل
انا ليا قريبة في التكليف (طب) بتقول والله مش كل الدكاترة بتعلم غير قليلين جدااا دا غير بتقول والله احيانا العيان يصحى منهم ويعدوا يضحكوا ولا ف بالهم
والاسم دكتور وخلاص
ويمكن واحد دخل عشان هو حابب
وممكن عشان الفلوس
وممكن عشان الناس تعد تقوله الدكتور راح والدكتور جا
وواحد بيدخل ابنه غصبا عنه عشان يبقى اسمه "ابو الدكتور"
ايه رايكم في الموضوع دا ؟؟
رايي في الآخر ان كل الكليات عالراس من فوق وبجد لازم نظرة المجتمع تتغير بس يارب الناس تفهم كدا
مستنية آراءكم