انا اتعلمت كتير اوي من المنتدي ده سواء علي المستوي التعليمي او الاخلاقي في معاملة الغير وكمان اكتسبت اصحاب كويسين جدا اصبحوا اكتر من اخواتي ولما خلصنا امتحانات وجت الاجازة بقيت مش عارفة اروح فين هل ادخل علي الفيس بوك واتواصل مع اصحابي دول مع ان الفيس مش امان خالص وما فيش اي خصوصية فيه وكمان ما عندناش خبرة كبيرة بيه والفكرة مش مستحبة خالص ما لقيتش غير المنتدي ده اللي بقي لي فيه سنتين كاملين وان شاء الله نكمل فيه في قسم الجامعات دلوقتي بجد نفسي الادارة توافق علي مقترح الباش مهندس حاتم واللي هو نفسه مقترح زميلي جوزيف موريس وتعتبر ده تجديد في المنتدي وطبعا هو تحت اشراف المهندس حاتم انا عارفة ان الادارة مشغولة بس لحد دلوقتي بقي لنا اكتر من 4 ايام وداخلين علي الخامس في اجازتنا وخايفين الاجازة تخلص واحنا لسا بنتناقش هل القسم هيتعمل ولا لأ كلنا مقدرين مسئولية الادارة في المنتدي التعليمي الكبير اللي اصبح صرح عظيم لكل الطلبة وان شاء الله دفعة 2011 علي الاقل هتكون عند حسن ظنكم وياريت حضراتكم تراعوا ظروف الطلبة اللي بتحب بعضها وبقوا اسرة واحدة مسلمين ومسيحين بنات وشباب نفسهم يكونوا مع بعض بدل البحث عن اي موقع تواصل اجتماعي تاني
ولكم مني جزيل الشكر والاحترام
واسفة لو كنت طولت اوي لكن انا عارفة سعة صدركم واوعد حضراتكم باسم اسرة الطلبة 2011 انهم هيشرفوا المنتدي ويرفعوا اسمه عاليا
|