[أميرة الحب]

المشاركة الأصلية كتبت بواسطة kiss_of_fate

موضوع جميل و تسلم ايديكى بجد بس احنا المفروض نتخذ من الاعجاز العلمى مثبت للقرآن مش دليل على انه قرآن عشان ده يبقى تشكيك انا اسفة معجبنيش جملة فى الموضوع
((((((( معنى كدا ان القرآن فعلا منزل من عند الله )))))))
احنا مش محتاجين الاعجاز العلمى يثبت لنا ده لان احنا مآمنين بالرسول محمد صلى الله عليه وسلم حتى لو القرآن مفهوش اعجازعلمى و اسفة لو كلامى ضايقك

وأنا مش بقول الكلام ده عشان احنا شاكين في ديننا .. لأ .. أنا بقول كدا عشان المسلم والمسلمة لما يعرفوا الحقائق دي أكيد ايمانهم بيزيد .."وإذ قال ابراهيم رب أرني كيف تحيي الموتى قال أولم تؤمن قال بلى ولكن ليطمئن قلبي "

أعتقد إني ذكرت الكلام ده في الموضوع عشان متقوليش كدا
أنا لما قولت معنى كدا ان القرآن منزل من عند الله مش قصدي اشكك او كدا ...لأ طبعا
والصراحة معجبتنيش جملتك لما قولت (((احنا مآمنين بالرسول محمد صلى الله عليه وسلم حتى لو القرآن مفهوش اعجازعلمى )))) لأن مش ممكن دين ينزل من عند الله سبحانه ميكونش فيه اعجاز علمي وغيره من الأشياء التي تثبت ان فعلا الدين ده منزل من عند ربنا سحانه وتعالى ... بالعقل كدا
الدين دائما يتفق مع العقل البشري اللي ربنا خلقهولنا
وانتي متقدريش مثلا لما تكلمي واحد اجنبي في الدين وتحاولي تقنعيه بالإسلام بالآيات والأحاديث
لما تقوليله ربنا قال في القرآن كذا هيقوللك طب وايه الدليل على ان القرآن أصلا منزل من عند الله؟؟
هتوريه بقا ساعتها الإعجازات الرهيبة اللي في ديننا أكيد هيآمن بربنا سبحانه وتعالى بدون كلام
واحنا المفروض كمسلمين ندور على كل الإعجازات العلمية الموجودة في قرآننا العظيم نوريها للعالم كله وفي نفس الوقت احنا برد هنستفيد لأن ايماننا هيزيد
وانا مش بقول الكلام ده من دماغي
الآية اللي ذكرتها واللي هيا " وإذ قال ابراهيم ربي أرني كيف تحيي الموتى قال أولم تؤمن قال بلى ولكن ليطمئن قلبي" سورة البقرة
هل احنا أفضل من سيدنا ابراهيم عليه السلام ؟؟؟؟؟
يارب أكون وصلتلك اللي عايزة اوصلهولك وتكون فهمت قصدي
وسوري على كلامي الملخبط
وجزاك الله خيرا