[MOSTAFA093]

علاقة المظاهرات بالاقتصاد بتكون يعنى ..
أنا كمستثمر ( مثلا ) فى البورصة لما أعرف إن فيه مظاهرات وحال البلد مش اللى هو ، فهكون خايف على فلوسى بأبدأ أبيع فى الأسهم بتاعتى عشان أنا خايف من الخسارة .
إذاً لما كل مستثمر يبيع فى البورصة ، البورصة هتنزل ومش هيكون فيه هناك أرباح ولا غيره
نفس الكلام مثلاً فى البنوك لما أسحب كل فلوسى ، البنوك هتفلس ومش هيبقى فيه استثمار فى البنوك .
وكمان لما أكون سائح وجاى مصر ، وألاقى حال البلد مقلوب ، هقعد فى بلدنا ومش هيكون فيه سياحة ولا طيران ولا فلوس ولا غيره .
فهمتوا بقى إيه العلاقة بين المظاهرات والاقتصاد ..
تحياتى للجميع


ملحوظة : إنتوا تعرفوا كمان الانفجار اللى حصل من يومين ده فى القاهرة ، خسرت البورصة فوق ال 4 مليار جنيه . وفعلاً ده اللى حصل
لأن البورصة دى بتتأثر بأى شىء حتى لو كانت إشاعة .