[Mohamed Zidan91]

المشاركة الأصلية كتبت بواسطة hala azzam

بالنسبه للي بيحصل في مصر انا شايفه ان احنا نظل معتصمين في ميدان التحرير الا ان تتحقق مطالب الثوره واولها القصاص للشهداء اللي ضحوا علشان البلد تعيش تخيل كده لو الشهيد ده اخوك او ابوك و انت شايف اللي قتله قدامك قاعد بيضحك وبيطلعلك لسانه شئ مستفز بجد ومافيش واحنا عملنا الثوره ليه مش علشان مصر تتقدم طيب احنا عمرنا ما هنتقدم واحنا متغاظين(الايدي المرتعشه لا تقوي علي البناء) ويااااااارب الثوره تنجح ومصر تبقا احسن
اما بالنسبه للي بيحصل في السودان فده اسمه مهزله يعني ايه الشمال ينفصل عن الجنوب هما عارفين المصيبه اللي هما عملوها وقال ايه بيحتفلوا باستقلال الجنوب ربنا يستر علي النيل بتعنا

أولا طبعا لازم أشكرك يا هالة على مشاركتك ..

بالنسبة للى بيحصل فى مصر لو جينا ربطنا كلام إسرائيل إن حسنى مبارك كنز إستراتيجى...بالفترة اللى قضيناها فى حكمه هنلاحظ مع إننا فى فترة سلام إلا إننا لم نتقدم زى أى دولة فى حالة سلام...بل تأخرنا ولا كأننا فى حالة حرب
وكمان لو نفتكر إن أيام حرب 73 كان الجيش بتاعنا متفوق على جيش الإحتلال فى التكنولوجيا والعدد ...ونشوف ترتيب جيشنا دلوقتى هنلاقيه إنه 13 على العالم فى حين إسرائيل رقم 11 ...وطبعا بتختلف من موقع لآخر لكن كلهم بيتفقوا على إن مصر الأولى فى منطقة الشرق الأوسط من ناحية العدد وجيش الإحتلال الأول من ناحية التكنولوجيا...
ممكن الكلام ده كله ميكنش ليه أى علاقة...بس لو لاحظنا إن المرة الوحيدة فى عمر الإحتلال الصهيونى اللى كان فيها الجيش المصرى أقوى منه ...الجيش المصرى قضى عليه ...يبقى بالتأكيد لازم يحافظوا على أنهم يتفوقوا فى التكنولوجيا خاصة إن العدد مش هيساعدهم...
وعشان كده كان المخلوع كنز إستراتيجى

وأظن بسبب هذا هناك أكثر من أيدى تحاول عرقلة وتجميد تقدم وتطور مصر....بلدان بوشين زى أمريكا...اللى أعلنت أنها دفعت 40 مليون دولار لمنظمات مدنية ولغاية دلوقتى إحنا مش عارفين أنهى منظمات مدينة اللى مش بعيد تكون نوادى الماسونية زى اللوتارى والليونز بما إن أمريكا دولة ماسونية...

وفعلا إحنا محتاجين حد شخصيته قوية لكن تبقى مصيبة لو بقت قوية زيادة عن اللزوم وبقى ديكتاتور


بموضوع السودان ده موضوع حكاية
بالتأكيد شفتى فى التربية الوطنية إن الإستعمار الإنلجيزى والفرنسى بعد الحرب العالمية التانية سعى أنه يقسموا شبه الجزيرة العربية إلى عمان واليمن والسعودية ...بالرغم أنهم كانوا كتلة واحدة...وكذلك سوريا...أقتطعوا منها جزء وأسموه لبنان ...والأردن كانت تشرف على المسجد الأقصى....لقد وضعوا لنا خطوط وهمية وأقنعونا أن تلك هى حدودنا وتلك هى إختلافتنا...ألا إننا كعرب لا تفرق بيننا حدود ولا إختلافات
يد الله مع الجماعة





عايز أفهمك إن مفيش حاجة أسمها وطن وتعصب ليه على حساب وطن أخر طالما الوطن الأخر ده وطن مسلم....دى القومية اللى زرعها الإحتلال...واللى وضع لنا خطوط وهمية تفصل ما بين أبناء الوطن الواحد وأقنعنا بيها وإحنا زى العبط صدقناها...يعنى تعرف إن لبنان دى حزء من سوريا...وفلسطين كانت عبارة عن الضفة الغربية للأردن اللى هى أصلا كانت برضه جزء من سوريا ....وهكذا الحال برضه لمراكش وموريتانيا...الإحتلال بعد الحرب العالمية الثانية قسمهم وإحنا ولا إحنا هنا
ليه معملناش زى إيطاليا وأتحدنا ولا ألمانيا بعد تقسيمها وإتحدنا....؟؟

السودان كمان كانت المفروض تتقسم قبل ما يسيبوها...بس معرفوش بسبب شيخ مجاهد مش فاكر أسمه إيه ...لكن للأسف علموا كده دلوقتى

لكن سبحان الله
يوم إعلان إستقلال جنوب السودان
هو يوم إشهار إبن سلفاكير لإسلامه

إيه رأيك فى الكلام اللى بقوله ده..؟؟