[أ/اسلام المنياوى]

اسف للعنوان فهذا الواقع انا لا اريد الكثير انا لن اطلب الطلبات التعجيزيه المنتشره من الساده اعضاء المنتدي انا لي طلب بسيط جدا انا مش عايز 1200 في الشهر انا لي ثلاث طلبات بسيطه حقي واذا رفعت قضيه في المحكمه سوف اكسب القضيه من اول جلسه ام ما اريد فهي حاجات لا تكلف الدوله الكثير
الاول حقي في قبض الكادر علي الاساسي الحالي هل هذا مش حقي
الثاني عايز درجتي الماليه لاني كنت مفروض اكون علي الاول من عده شهور هل هذا حرام
الثالث انا عايز حوافزي 75 في الميه زي كل الهيئات ومن يقول اني باخد مكافاة مش حتكسف منه واقول له الكهرباء بتاخد حوافز 100 في الميه وبتاخد مكافاه اكتر مني يعني انا مش اقل منهم هل نجد ناس بتفهم ان المدرس وصل الي الانفجار ولو انا طماع حد يقولي يا طماع

كلامك مظبوط اخى انت بتطالب بحقك وابدا مش طماع
واضيف للمطالب وحقنا

ان الكادر يتحسب على حسب الاقدمية زى ما قانون الكادر بينص بذلك

مكتوب النص فى قانون الكادر قبل التعديل من قبل الوزير يسرى الجمل لا سامحه الله وهو تعديل غير قانونى

يتم تحديد المستوى الذى سيتقدم له المعلم تبعا لسنوات خبرته والتى تحسب من تاريخ بدء العمل وحتى اول يوليو 2008
فاذا كانت سنوات الخبرة تزيد على سنة واحدة فيمكنه التقدم لمستوى "معلم"
واذا كانت سنوات الخبرة تزيد على (8) سنوات يمكنه التقدم الى مستوى "معلم اول"
واذا كانت سنوات الخبرة تزيد على (13) سنوات يمكنه التقدم الى مستوى "معلم اول أ"
واذا كانت سنوات الخبرة تزيد على (18) سنوات يمكنه التقدم الى مستوى "معلم خبير"
واذا كانت سنوات الخبرة تزيد على (23) سنوات يمكنه التقدم الى مستوى "كبير معلمين"

فوجئنا بالتعديل من الوزير يسرى الجمل الغريب بهذا الشكل

يتم تحديد المستوى الذى سيتقدم له المعلم تبعا لسنوات خبرته والتى تحسب من تاريخ بدء العمل وحتى اول يوليو 2008
فاذا كانت سنوات الخبرة تزيد على سنة واحدة فيمكنه التقدم لمستوى "معلم" بشرط الحصول على الدرجة الثالثة
واذا كانت سنوات الخبرة تزيد على (8) سنوات يمكنه التقدم الى مستوى "معلم اول" بشرط الحصول على الدرجة الثانية
واذا كانت سنوات الخبرة تزيد على (13) سنوات يمكنه التقدم الى مستوى "معلم اول أ"بشرط الحصول على الدرجة الاولى
واذا كانت سنوات الخبرة تزيد على (18) سنوات يمكنه التقدم الى مستوى "معلم خبير"بشرط الحصول على مدير عام
واذا كانت سنوات الخبرة تزيد على (23) سنوات يمكنه التقدم الى مستوى "كبير معلمين"بشرط الحصول على الدرجة العالية

طب ايه لازمة سنين الخبرة ده مش شرط ده لغى اهمية الاقدمية نهائى يعنى كأت القانون اصبح ان اللى على الدرجة الثالثة "معلم" الى على الثانية "معلم اول" وهكذا يعنى ضرب كلام الاقدمية بعرض الحائط وطبعا كله بيمشى ومفيش محاسبة

وعلى فكرة قانون الكادر لم كان طالع كان محدد المستويات وعلشان كده الدرجات اتحرمنا منها لكن على اساس الاقدمية وده احسن لينا يعنى مش هنستنى درجات انما بمجرد اننا نكمل سنين الخبرة المطلوبة لمستوى ناخذه وبكده قانون الكادر نصف المعلمين ومش ظالمهم

لكن ازاى يسكت الوزير لاء بكل بساطة شرط الدرجات ولم تعارض الدرجات مع قانون الكادر وقف الدرجات

لذلك من حقنا ان يطبق قانون الكادر بالصح وهو على اساس الاقدمية وليس بالدرجات وبكده تتحل المشكلة اللى عملة وزير التليم السابق بطريقة غير قانونية وعك والسلام

يعنى انا كان بقالى 13 سنة يعنى كان المفروض اخد مستوى "معلم اول أ" لكن بشرط الدرجة انا لسه على الثانية يبقى اخد "معلم اول"

وعلشان تعرفوا انه تهريج كان المفروض لو على الدرجات كان القانون يبقى كده

فاذا كانت على الدرجة الثالثة فيمكنه التقدم لمستوى "معلم"
واذا كانت على الدرجة الثانية يمكنه التقدم الى مستوى "معلم اول"
واذا كانت على الدرجة الاولى يمكنه التقدم الى مستوى "معلم اول أ"
واذا كانت على مدير عام يمكنه التقدم الى مستوى "معلم خبير"
واذا كانت على الدرجة العالية يمكنه التقدم الى مستوى "كبير معلمين"

انما تقول ايه فى الرقعة اللى باينه