[scream angle]

المشاركة الأصلية كتبت بواسطة تسابيح النجوم

السلام عليكم ورحمة الله وبركاته
وعليكم السلام ورحمة الله وبركاته
كان فيه ناس بتقول ان فيه 7 فوائد ف السفر...
مكنتش عارفة ايه هما ..صراحة نفسي أعرف

لكن اللي عرفته صراحة هو ليه ابوية كان خايف عليه
وكمان ليه كان بيقول ان البنت تدخل كلية ف نفس المدينة
وكان دائما يقول لي ان السفر مش بنفس
الحماس والجمال اللي انت شايفه
وطبعا معرفتش الا لما سفرت
وجربت اللي كان نفسي فيه عشان أخذ كورس
بجد شفت أشكال كثيرة من البشر
رغم ان باقي 4 أيام بس بسافر ومع أصحابي كمان يعني عزوة
واحنا في الميني لقيت شاب عمره 28 سنة تقريبا ...اول لما شاف واحد عجوز راح قايم ومقعده...
فالراجل بسألوه :انت نازل هنا..
قال: بس اقعد بس ياعم الحاج...
ولما فضي كرسي قعد الشاب..كمان شوية جيه راجل عجوز وقعده الشاب وفضل واقف...

موقف بجد جميل وشهامة انعدمت من كثير
دا موقف..
موقف تاني ع النقيض خالص
واحد قاعد جنب بنت وفجأة راح حاطط ايده ع البنت ...
دا موقف بشع...!!!
خلاني اكره اليوم اللي شفت فيه المناظر القذرة دي..
والبشر الحقيريين بالطريقة دي...

اعوذ بالله بجد وقاحة المهم البنت عملت ايه
وموقف ثالث...
يكون فيه بنات واقفه ومفيش راجل يهون عليه يقف ويقعدها
ع الأقل عشان مش تكون وسط رجالة وكمان تتخبط فيهم ....
...
أو ممكن تلاقي راجل واقف جنب واحدة
وهي قاعدة ومفروض يسيب مسافة
لا بيقرب...بشاعة بجد...
مش قلتلك فى ناس انعدمت الشهامة والاخلاق ربنا يهديهم
....
في مرة واحنا راجعين بلدنا...
كان زحمة خالص...المهم ان مصممة اني مركبش
ف الزحمة أبداا واني اقعد جنب الشباك...
لكن اصحاب ...قالوا لا ..لازم نركب...حتي لو فيه
زحمة ..مفيش حل تاني ..لان الكل كان زحمة
وفعلا دخلت وللأسف كان زحمة موت...
وقفت وناس هتنزل ف المحطة التاني
وراجل كبير... كان قاعد ...فبعدين قال لي
تعالي يابنتي هنا..اقعدي ف المكان دا...
وكان حريص اووي اني اقعد والحمدلله اقعدت
جنب الشباك حظك حلو
المهم اني فعلا مدانة للراجل اللي معرفش دا...
قلت بلاها مني خلينا في القطر أحسن
وأوسع وأكبر...
دخلنا القطر ...مفيش مكان خالص خالص..
أنا فاكرة اخرة مرة ركبته كان مع بنت عمتي..
ومكنتش اعرف موضوع ان واحد يقوم دي...
لقيت فعلا ناس قامت وقعدنا...رجال..
ومش يعرفونا ..ولا نعرفهم خالص..
وكمان وقف بعيد...
ام لما ركبته مع أصحابي فضلنا واقفين...
صحيح كانت واقف شرحة وبرحة لانها ف الهوا
والدنيا حر بس حرمت اركب قطر...
تعبت من الوقفة ...

ههههههههههههههههه
دا مجرد حاجات شفتها لما سفرت من مدينة لمدينة...
وكمان داخل محافظتي...
مش عارفة يمكن كنت بسمع عن ناس بالشكل دا
لكن مجربتش اني شفت ...!!

بجد مواقف مضحكة جدا