وفى كلام انهم بكره هيزحفوا لمجلس رئاسة الوزراء والاعتصام امام المجلس حتى ينفذ شرف طلباتهم
اظاهر ان مفيش حد بيتعظ من اللى حصل للقبلة
تنحى حسنى مبارك
وتنحى او اقالة احمد شفيق ( لسه شايفينه قريب مع طنطاوى فى احتفال خريجى الكلية الجوية)
وادى عصام شرف معندوش حل غير التنحى
وبعده هتزداد المظاهرات وستطول طنطاوى
هم ليه مصريين ميريحوش الناس
هى الناس بتطلب معجزات دى مطالب مشروعة وقانونية
القضاء سبق وحكم بحد ادنى 1200
قالوا 700 وبعد 5 سنين يبقوا 1200 علشان مفيش ميزانية قلنا بلدنا ونستحملها
رغم ان فيها خير واللى كانوا بياخدوا الخير مشيوا يبقى ايه المشكلة
ما ياما اللى فاتوا مكنوش بيسرقوا ياما اللى جايين عايزين يسرقوا
وبعديا قالوا لاء 648 بعد الخصومات
وفى الاخر ولا عملوا اى حاجة قالوا دول بيرضوا بكل تنازل فطمعوا هما
بس خلاص احنا مش هنتنازل تانى
وحرام عليكم دماء الشهداء اللى راحت ووضعتكم فى الاماكن دى اللى عمركم مكنتم تحلموا توصلولها اقصى حاجة كان ممكن يوصلها د.عصام شرف وزير لكن بدم الشهداء بقيت رئيس وزراء كل الناس متأمله فيك خير ولو كنت عملت حاجة ليهم كانوا حملوك وخلوك رئيس جمهورية مش بس رئيس وزراء لانه شعب طيب ومبينساش الجميل
|