[ايات رمضان]

المشاركة الأصلية كتبت بواسطة مدرسة علوم أبتدائى

يا جماعة بجد نهدى ونفكر بعقل
اللى انتم فية دة قصور من الموظفين اللى منهم لله مش فاهمين حاجة خالص وكمان كلهم عقد انا من المعينين بالقرار 53 وعندنا فى البحيرة فى ادارة بندر دمنهور خلصنا كل حاجة ابتداء من تعديل المرتب وقبض الفروق بأثر رجعى وكمان تعديل المسمى اللى معلم على الدرجة التالتة التخصصية تعليم فى صفحة البيانات على النت وكمان فى ناس من ادارتنا بالفعل اخدت اجازات مفتوحة منها رعاية طفل ومنها مرافقة زوج على فكرة انا فعلا خلصت كل الاجراءات دى والكلام اتعهد لكم بية امام الله وهو شاهد على ما أقول ومحاولتى ما هى الا لطمئنتكم وتهدئة روعكم أخوانى بلدنا عايزة اللى فاهم واللى بيجرى ورا حقة وبيبين لهم انة فاهم بيوصل
والله احنا اتعيينا
بس فعلا احنا اكبر بلد عندها موظفين اما جهلة بتطبيق القرارات او اجبن من انهم يمضوا على ورقة خوفا من المسائلة والمحصلة ضياع حقوق الضعيف او الغلبان اللى اما جاهل بحقوقة او غير قادر على المواجهة للوصول اللى حقوقة
ولا اخفى عليكم انا واحدة من الناس اللى من وقت صدور قرار التعيين وانا طرقت جميع الابواب بدءا من الادارة حتى المديرية ووكيل الوزارة ومدير الشئون القانونية لغاية محفظونى هههههههههههههههههههههههههه بس فى الاخر اخدت كل حقوقى ودلوقتى لما بروح عندنا الادارة مقلكوش على المعاملة اللى بتعامل بيها ههههههههههههههههههههه
الخلاصة لكل واحد فينا تحلى بالجراءة فى المواجهة المصاحبة لادب الحديث والمصابرة والطرق على جميع الابواب بكل الطرق الممكنة وهما لما بيتأكدوا ان الواحد فينا فاهم ومصر وممكن يفضحهم بيخافوا ويمشولة مطالبة
ياريت نفرح والله احنا فعلا اتعينا كفاية بقى بلاش نرضى بالظلم اكتر من كدة وبالادب
انا فعلا اول مرة اشارك واطول كدة بس صعب على زعل باقى الاعضاء لانى واحدة منكم وحاسة بيكم وكمان خلصت بنفسى كل الاجراءات وواثقة من كلامى
لكم تحياتى واحترامى
ان الله لايضيع تعب المجدين

الله يطمنك انا كادت الفرحه تضيع من قلبى