[مروه]

المشاركة الأصلية كتبت بواسطة sasaatwa

1-هل انتا موافق علي الاعتصام يوم الثلاثاء؟

نعم لإن اتضح إن المطالب مش بتحقق غير بالضغط

المشاركة الأصلية كتبت بواسطة sasaatwa

2-تقول اي للناس اللي بتعارض المظاهرات؟

دى وجهة نظرهم وكل واحد حر فى رأيه
وإختلاف الاراء مكفول
ومن الديمقراطيه حرية التعبير واحترام الرأى الاخر
بس نفسى أقولهم كلمه واحده لو أى حد فيهم
فقد بصره أو جزء منه أو حصل له بتر قدم أو ساق فقط مش فقد ابن أو أب أو أخ......
أكيد كان موقفه من رفض المظاهرات اتغير 180 درجه

المشاركة الأصلية كتبت بواسطة sasaatwa

3-هل حجه تعطيل العمل وعجله الانتاج سبب لوقف المظاهرات؟

لما الشعب صبر 4 شهور من غير مظاهرات
كانت عجلة الإنتاج مشت أوى
وبعدين العمل وعجلة الإنتاج متعطلين بقالهم 30 سنه ومش متعطلين وبس دول مسروقين ومنهوبين
ليه مركزين أوى فى الكام يوم دول بس فى عجلة الإنتاج
وبعدين وقف العمل مش السبب فيه المظاهرات إطلاقا
هو لو فيه استجابة للمطالب وأهداف الثورة بصوره جاده من أول يوم إيه اللى كان يستدعى عمل تظاهرات
السبب فى وقف العمل هو التباطؤ فى الإستجابه

المشاركة الأصلية كتبت بواسطة sasaatwa

4-ما هي مطالب الثوره من وجهة نظرك؟

مطالب الثوره هى تحقيق ما يريده الشعب
حريه اوك خلاص
ديمقراطيه حقيقيه مش سطر وسطر
عداله إجتماعيه
محاكمه عادله علنيه لقضايا الفساد المالى والسياسى وقتلة المتظاهرين

المشاركة الأصلية كتبت بواسطة sasaatwa

5-هو مش ينفع نصبر ليوم الجمعه؟

مش كفايه صبرنا 30 سنه
بيتهيألى مسكن الصبر وشغل محمد هنيدى جاءنا البيان التالى بتاع كل شويه ده
وسياسة النفس الطويل واللى يزهق يسلم
معدتش تنفع مع الشعب بعد 25 يناير

المشاركة الأصلية كتبت بواسطة sasaatwa

اختير اي سؤال يعجبك اصله مش عليه درجات
1-اي الشعار اللي هترفعه لو نزلت؟

لأن مصر أولا ... لذلك لابد أن تكون الثوره أولا

المشاركة الأصلية كتبت بواسطة sasaatwa

2-تحب مين يكون رئيس الجمهوريه القادم؟

أنا نفسى يكون شخص حكيم عادل على درايه بمكانة مصر حاسس بالشعب المصرى ويعرف إنه شغال عندنا مش ريس علينا ولا ورث مصر لما اتعين رئيس ومش عاوزاه يكون حنين اوى لدرجة اننا نعتبره ببانا وميدخلش السيده الأولى فى حاجه ملهاش فيها وشغل الهبل ده لازم يكون فاهم سياسه و اقتصاد مش واخدهم جدعنه
يعنى مش حكاية شخص المهم سياسة الشخص

المشاركة الأصلية كتبت بواسطة sasaatwa

3-لو لقيت وزير التربيه والتعليم السابق واقف جنبك هتعمل ايه؟

بجد مش قادره اتخيل ممكن أعمل إيه
بس أكيد مش هيفضل سليم


حلوه الأسئله

ميرسى على التوبيك