[د.عبدالرحمن المنياوي]

المشاركة الأصلية كتبت بواسطة losacat

السلام عليكم ورحمة الله وبركاته
أولا انا أتوجه بالشكر للمنتدى والقائمين عليه وخاصة الدكتور عبدالرحمن لمشاركاته اللى بجد بتفيد كتير منا اذا لم يكن الجميع وكمان بتطمننا

وانا عضوة جديده فى المنتدى ولكنى متابعة الموضوع ده خاصة لانه يهمنى اكيد لكن الحمد لله وأخيرا قررت التسجيل فى المنتدى وقد تم

أسفة على الاطاله لكن لدى سؤال وأكيد بخصوص التعيين


أنا الاولى على قسم لغة عربية شعبة تعليم ابتدائى وكمان ال16 على الكلية لعام 2010 واسمى لقيته فى موقع الاكاديمية لكن لما سألت فى نادى الجامعة قالولى هيعينوكم وظائف ادارية (مع ان المدارس بيقولوا انها محتاجه ) لكن قالولى تعيين وظايف عادية ومفيش حاجة اسمها معيدين (قلنا ماشى ) لكن كمان تقريبا مفيش مدارس
وعينوا الاول والتانى على الكلية معيدين وقالوا هنحسب العشرين من بعدهم وقالوا كمان هناخد الاول والتانى على القسم وهيتعينوا عشان منظلمش اوائل الاقسام (هيتعينوا ايه بقى وفين ؟؟؟؟؟؟؟؟؟؟؟؟)
وكمان التنظيم والادارة وبعد الاطلاع على ردود الشكاوى واضح انهم ميعرفوش حاجة وكمان الكلية ميعرفوش حاجة

والحقيقة جالى كذا عرض خاص ورفضته املا فى الحكومى لانى شايفة انه افضل حتى ولو اقل ومش عارفه هل هيبقى فى فعلا تعيينات ولا هنترمى زى اللى قبلنا فى البيت لغايت ماربنا يكتب لنا الصلاح

وشكرا لسعة صدرحضرتك
السلام عليكم ورحمة الله وبركاته

فعلا هناك حالة من التخبط والشعب بتاعنا أستاذ في الافتاء .. يعني اللي مايعرفش لازم يفتي .. وانت معذورة ولازم تقلقي .. بس انا باطمنك التربية والتعليم هتاخد اعداد كبيرة وانت ن تغصبي على مكان .. انت هتنزلك اختيارات وانت تختاري .. اما المعلومات اللي وصلتك دي لا شئ فيها صحيح