[NazeeH]

المشاركة الأصلية كتبت بواسطة icdl_man

لنغلق شركات النصارى
و نفلس جميع النصارى
بل نقتلعهم و نجنثهم من أرض مصر الحبيبة


هى دى روح ثورة 25 يناير لا طبعاً

انتم ناس نفسكم تولوعوا فى البلد و فى المسيحيين

مش فاهم ليه احنا بنحب اخواتنا المسلمين و فيهم ناس أقرب لينا من أخواتنا الحقيقين

و لينا تعاملات مع اخواتنا المسلمين بفلوس قد كده و عمرنا مسائلنا نفسنا ده ديانته ايه

و بنأكل و نشرب و نطلع رحلات مع اخواتنا المسلمين و بنكون أقرب لعيلة واحدة

ده أنا حتى فى أيام كثيرة فى رمضان بصومها مع اخواتى عشان نفطر مع بعض و روح المحبة تعم على الكل

لكن اللهجة المتبعة فى المنتدى اليومين دول مش هى روح الاسلام و لا المسيحية اللى اتربينا عليها


مصر عايزة السلام و الحب و اللى يبنى مش اللى يهد

نتعاتب و اللى يغلط يتعاقب مش نهد اقتصادنا بإيدينا

و طبعاً اللى بيصطادوا فى الماء العكر ربنا مش حيرضى خربان البلد دى لأنها مذكورة فى القرآن و الإنجيل


مصر = مسيحى + مسلم

و اقتصاد مصر = فلوس المسلم + فلوس اخوه المسيحى

و أمن مصر هو أمن المسيحى فى حضن أخوه المسلم

و شكراً و أسف لو حد زعل منى
بس أنا بحلم بمصر الحب و الأمن و الرخاء

السلام على من اتبع الهدى
أولاً أحب أن أحييك تحية عطرة ملؤها الود والمحبة
تعرف ليه؟ لأنك استخدمت كلمة (نصاري) وقد قال تعالى
ٍ{لَتَجِدَنَّ أَشَدَّ النَّاسِ عَدَاوَةً لِلَّذِينَ آمَنُوا الْيَهُودَ وَالَّذِينَ أَشْرَكُوا وَلَتَجِدَنَّ أَقْرَبَهُمْ مَوَدَّةً لِلَّذِينَ آمَنُوا الَّذِينَ قَالُوا إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لَا يَسْتَكْبِرُونَ (82)}المائدة.
ثانياً أود أن أعتب عليك لأنك اختصرت كل النصارى اللي في مصر في شخص ساويرس
هل ساويرس هو كل النصارى في مصر ؟ولا هناك أخرين, المقاطعة لساويرس فقط وليس للنصارى
فليس من المنطقي مقاطعة كل النصارى من أجل ساويرس فهذا مالم نقله أبدا أبدا.
ليس هناك أي مسلم قال قاطعوا النصارى فهم شركاء الوطن كما قلت
بل أنت الذي ذكرت في بداية كلامك أن قاطعوا النصارى .
ثالثا أنا أصلح سيارتي عند روماني (مسيحي) وأتعامل معه منذ مدة طويلة ,
الترزي الذي أتعامل معه اسمه سامح (مسيحي) ومحله مؤجر في العمارة عندي, والنجار وعامل المياه ..الخ

و شكراً و أسف لو حد زعل منى

ونزعل منك ليه؟ من حقك أن تعبر عن مشاعرك

بس أنا بحلم بمصر الحب و الأمن و الرخاء

واحنا معاك في نفس الحلم.
لك تحياتي.