اقتباس:
المشاركة الأصلية كتبت بواسطة usernamo
بسم الله الرحمن الرحيم
طبعاً .. الموضوعات قليلة اليومين دول .. فانا هحاول انشط القسم عشان الناس تفتكر المواضيع و الناس ترجع تعمل مواضيع تانى ..
نخش فى الموضوع ..
امبارح .. كنت فى الجيم .. عضلات و رجالة كتير ..
قلت ارجع تانى لعهدى بقى بدل ما الثانوية خلت جسم الواحد يهرول .. المهم ..
قاعد شايل الدنابل و شغال .. الاقى تنين عدى من جنبى ..
بنى ادم انا نصه ... مع انى مش قصير للدرجة يعنى ! .. ذراعه لو ريح يمين بس هيطير دماغى ..
دماغه اكبر من جهاز الترابيس !!
المهم .. الاخ ده شال دنابل فى ايد واحدة وزنها 72 كيلو ! .. و شغال .. و بيطلع صوت و هو بيشيل .. الصوت ده كان هيطيرنى .. و انا واقف بعيد انا و اصحابى بنعيط فاقدين الامل اننا نكون جسم ..
عدى الوقت و فى النهاية لقيت كابتن الجيم بيسلم عليه و هو مرعوب و بيقوله .. " ازيك يا حلاوة "
التنين اسمه حلاوة !!
ادى حاجة .. الحاجة التانية .. مرات التنين كانت واقفة تحت انا قلت هنلاقى باب او ابو الهول اقل حاجة عشان يتماشى مع الحجم ده ..
الاقى بنت لا تتعدى ال 19 سنة طول مسمار 10 .. و لابسة لبس اعوذ بالله ... افظع من الاجانب ساعة ظهر ! ..
و اللى رايح و اللى جاى يعاكسها .. و عمنا حلاوة بيضحك !! ..
ياخى كتها نيلة اللى عايزة خلف !
طبعاً .. محدش فاهم انا عايز ايه من الموضوع ..
اللى انا عايز اوصله ..
ان ده .. مش راجل ..
جه الوقت اللى يبقى الراجل بعضلاته .. مش بصفاته ..
انت ايه رأيك فى النموذج ده .. ؟؟
ترضى تتجوزى واحد مفتول العضلات .. بس مش هتحسى معاه بالامان ؟
انا اعرف ناس اقصر من مسمار 10 .. و ارفع منه .. بس و اقسم بالله .. تجرى شوارع قدامها ..
الرجل .. بصفاته .. الراجل .. بشهامته .. الراجل .. بخوف ع عرضه .. الراجل ..
هو اللى يمشى فى الشارع يتقال عليه راجل ..
منتظر أرائكم ..
usernamo
thanwya
|
هههههههههه حلو اوى التنين ده بس بكل بساطة ده تنين فى حد يقدر يتجوز تنين !!!!!!!!
|