بصى يا ستى بخصوص تقسيم السنه
بصى يا ستى
انتى كده محلتيش فى الكيمياء حاجه خالص الحمد لله على كل شىء
كده انتى هتاخديها السنه الجايه
وبراحتك
* عاوزه تقسمى تالته وتدخلى الكيمياء فى سنه ومعاها مثلا مادتين تانى
وباقى المواد فى السنه اللى بعدها براحتك ممكن تعملى كده
* عاوزه تدخليها السنه الجايه مع كل المواد لوكشه واحده بردو براحتك
يعنى قدامك خيارين
بالنسبه للناس اللى لازم يقسموا هما اللى معاهم مادتين باين او اكثر ودول مينفعش يدخلوا كل المواد فى سنه واحده
اصحابى كتير كانو سايبين الكيمياء السنه اللى فاتت " سايبين الكمياء فقط يعنى ماده واحده " ودخلوها السنادى وخلصوا بكده كل المواد فى سنتين بس دون اضاعه اى سنه اضافيه
عموما ربنا معاكى ويوفقك يا رب اهم حاجه حالتك النفسيه سيبك من كل الناس وعيشى حياتك
محدش بياخد غير نصيبه ومتزعليش " رب ضاره نافعه " ومحدش عارف الخير فين
فى ناس كانت جايبه 98 % فى تانيه وقلت فى تالته ومحصلتش حاجه
وفى ناس بردو اصحابى كانو جايبين فى تانيه 95 % ودخلو طب بشرى بعد كده !! سبحان الله
خدى بييت الشعر ده وحطيه حلقه فى وداناتك
دع الأمور تمشي في أعنتها
ولا تنم إلا وأنت خالــي البال
مابين غمضة عـين والتفاتتها
يبدل الله من حال إلى حــال
ربنا معاكى
بس نصيحتى ليكى
لو هتزيدى فى المجموع بالتقسيم على سنتين قسمى عادى كلها كام شهر مش محصلين سنه ولا يهمك
وبعدين ما انتى شوفى هتضيعى كام سنه فى الجيش وكده 
ملحوظه هامه جدا ليكى بجد خطيره ::
لو دخلتى الدور التانى وكنتى عاوزه تسيبيها للسنه الجايه علشان تاخدى الدرجه الكامله بدلا من نصف الدرجه هذا العام
خدى بالك اوعى تحلى اى حاجه فى الورقه ولا حته سؤال واحد لحسن ينجحوكى زى واحده قاريبتى
كانت عاوزه تسيبها وراحت حلت بتاع سؤال ونص راحوا عملوها فيها ونجحوها وادوها 20 فى الكيمياء  :bosy ht9:
ولا حته تنقلى الاسئله كفايه رأس السؤال
وممكن متروحيش اصلا وتريحى دماغك من الدوز التانى ده
خدى بالك كويس وسيبك من المراقبين اللى بيقعدوا يقولوا للواحد حل حل حل
اما لو هتدخليها دور تانى وهتخلصى منها فذاكرى بقى وربنا معاكى وركزى هانت خالص مالص
ربنا يوفقك يا رب واى استفسار انا تحت امرك 
وان شاء الله تجيبى درجات كويسه فى المواد اللى دخلتيها 
__________________
سبحان الله وبحمده سبحان الله العظيم
|