بسم الله الرحمن الرحيم
السلام عليكم
لالا روق كدا و وحد الله
انتا الحمد لله كويس اوى انك نقصت تلات درجات بس
السنة اللى فاتت انتا عارف الانجلش حصل فيه مش هنعيده تانى
ف امتحان تعجيزى زى دة مينفعش تقول ان فيه كليات كتير طارت منك لا قدر الله عشان تلات درجات
بص هوة اللى طار فعلا والله اعلم هوة كلية الالسن اقسام اللغة الكورية واللغة اليابانية والاوكرانية ومظنش انتا محتاجهم ف حاجة يعنى
هما التلات اقسام دول بيخدو 50 من 50 ف الانجلش بس مش عارفة ف ظروف زى ظروف امتحان السنة اللى فاتت هيكون ايه
بس انا متهيألى انهم حتى مع جيلنا مش هيقبلو غير الدرجة النهائية لان ف الاول و ف الاخر فيه ناس جابتها بس قليلين والاقسام دى اصلا مش محتاجة الا اعداد قليلة
لو سبتنا من التلات اقسام دول يبقا قدامك قسم الانجلش هوة بياخد اعلا درجات ف الانجلش وممكن ان شاء الله تقبل فيه
تقريبا بقية اقسام الالسن مبتشترطش درجة الانجلش
دة كله ينطبق على ألسن عـــــــــيـــــــن شــــــــــمـــــــــــــس
حلو ؟؟؟
نيجى لألسن المنيا
فيها الاقسام دى :
- قسم اللغه الإيطالية
- قسم اللغه الفرنسية
- قسم اللغه الألمانية
- قسم اللغه الأسبانية
- قسم اللغه الإنجليزية
- قسم اللغه الصينية
جامعة المنيا دى معرفش عنها حاجة غير كدة والويكيبيديا نفسها متعرفش عنها اكتر من كدة
ف الاخر احب اقول كلمتين
لو عايز تفاصيل اكتر بقا ميبقاش عندى لان انا طبعا مش طالبة فيها
قدامك كزا مكان كدة ممكن تسأل فيهم عن اللى انتا عايزو ان شاء الله
1-منتديات كليات الالسن وتقريبا المنتدى دة فيه قسم ألسن وممكن يكون فيه ناس ترد عليك ان شاء الله
2-جروبات الفيس بتاعت كليات الالسن سواء المنيا او عين شمس
دة المصدر اللى انا جبت منو معلومات عن السن عين شمس
http://ar.wikipedia.org/wiki/%D9%83%...B4%D9%85%D8%B3)