[ananoo]

الموضوع بجد رائع وواقعي جدا
افتكر فترة تالتة الثانوي كان في كذا حد شاغله موضوع "الزمالة في الجامعة" وكنا طول الوقت بناقش الموضوع ده

انا دايما بستغرب ان حد يكون رايه انه اكيد لازم يكون مصاحب عشان يمشي في الجامعة من غير ما يروح ويشوف الوضع ازاي

مهم جدا ان كل واحد يبقى ليه هدف وهوة داخل الجامعة حتى لو كان هدف بسيط جدا
بالذات لو حد دخل كلية هوة مكنش عاوزها

من الحاجات المفيدة جدا انك تعملها قبل ما تبدأ الكلية انك تبقى عارف حد من الكلية دي مش لازم يبقى معرفة شخصية حتى لو حد تعرفه من النت اساله عن كل حاجة في الكلية ولو تقدر تبدأ تذاكر حاجة قبل ما تبدأ الكلية ده هيخليكي تاخد الموضوع جد اكتر لانك لو دخلت الكلية كدة على طول هتلاقي كل الدفعة بتاعتك مش فاهم حاجة ولا انت فاهم حاجة (واذا عمت خفت يعني) فمش هتهتم انك تفهم اصلا وهتلاقي نفسك مش وراك حاجة :s

وكمان الصحبة مهمة جداااااااا حاول تكون زمايل كتيييييييير في اول كام اسبوع بحيث تقدر بعد كدة تختار اصحابك عشان بتبقى تدبيسة محترمة

ربنا معاكم جميعا ويارب كل واحد يدخل الكلية اللي يقدر يشتغل وينتج فيها