اقتباس:
المشاركة الأصلية كتبت بواسطة zozza love
اولا انا قرأت ردك كويس
وانا دايما اتوعدت علشان اعرف ارد كويس لازم اسمع وأقرا كويس
اسمحلى اه لعب عيال
لما كل شويه نقول مش عايزين ده وعايزين ده
لالالا عايزين فلان ومش عايزين علان وده حلو وده اخى وككلام فاضى زى ده يبقى لعب عيال وناس مش فاهمه كمان
واما انتوا من الميدان وانتوا اللى اخترتوا شرف جياين دلوقتى تقولى مش عايزينه ليه؟
بص انا انهارده فاتحه التلفازيون وبتاع على كل القنوات وسمعت الجمله دى فى معظم القنوات وخاصه القناه المصريه
قالوا لو مش حياخد قرار حازم وسريع حيطلبوا بحد غيره
وبصراحه مش قارده افهم قصدك من جمله خدى راى المستشار هشام من شرف والمجلس
دى تريقه ولا هزار ولا قصدك ايه؟
والله انا مقلتش عصام شرف يمشى الا لو غير قادر او بلا صلاحيات وده متفق عليه ومقةةلتش مش عغايزينه وبرضه مازلت متحفظا على لفظ لعب عيال اما ان الناس بتقول يمشى لو مخدش قرار حاسم وسريع انا معاهم لانه لازم يشتغل بجد وميقعدش كده واى حد هيعطل مصالح البلد ومصالح الشهداء والثورة لازم يمشى اما حتة راى المستشار هشام دى لا تريقة ولا هزار بس هجاوبك المستشار هشام بقاله فترة ماسك المجلس العسكرى مهزقه تصريحات وهو طلع راجل قوى جدا وكذلك وقع مع 4 مرشحين على وثيقة وهى لو عصام شرف مشتغلش ولا حقق اهداف الثورة يمشى ودى خطوة جريئة واتاكدى منه
مش عارفه افهم كلام عن المستشار هشام كويس بس حعديها
بس النفجرى عنه حق تهديده
ومافيش حاجه اسمها مينفعش مع الميدان
وعلى فكره الكل عارف ان دكتور عصام شرف حيترشح للرئاسه وهو قال كده بنفسه فى لقائه مع سويرس وعلى فكره كمان اتعرض على البرادعى يكون نائب لعصام شرف ورفض وده طبعا علشان هو مش حيقبل باقل من رئيس لمصر
بالنسبه لاسئلتك
انا معاك فيهم كلهم
بس مثلا موضوع زى وائل الكومى ربنا ياخده من حقنا احنا بس بتوع اسكندريه يتظاهروا
علشان احنا اكتر ناس شفنا منه عذاب طول فتره خدمته فى الشرطه وعلى ايدى وقدام عينى اللى قتلهم
بالنسبه للمحاكمات انت عارفه صدام اتحاكم بعد قد ايه؟ 3 سنين وليه الاستعجال ؟ كده كده حيروح السجن ولو عايزين تتطلبوه بحاجه يبقى طالبوه بانه يروح السجن ويمشى من شرم
بس انا مش معاك ان الشرطه تعملها مع الناس سئ
انا بمشى فى الشارع بشفهم واخدين بالجذمه وكمان بيتعملوا بكل ذل واهانه واحمد ربنا انهم معانا بعد كل اللى عملنا فيهم ده
ولا يهمك وكل سنه وانت طيب
معلومة عصام شرف مظنش انه اعلنها عالهواء خالص ممكن المعلومة وصلتلك بشكل شخصى انما هو لم يعلنها واعلم ما اقوله وبكرر الميدان مينفعش معاه تهديد بل العكس الميدان لو حب يهدد بيهدد وتانى يوم ينفذ فده اسلوب غير مقبول ورفع الصوابع وتعلية الصوت والتبريق مينفعش مع الميدان ووائل الكومى اه قتل اسكندرانية بس مفيش فارق بين شهيد سكندرى وسويسى وغير كده اللى حصل هنا حصل هناك بكل اسف وكله خد اخلاء سبيل اما صدام فصدام ليس مبارك ومصر ليست غيرها ونحن فى ثورة وليس غزو ودى تفرق كتير ونحن نطالب بانه يروح طرة ولكن لاحياة لمن تنادى بس لا الحياة جاية وهننادى بس نفضاله نفضى من الاهم ثم المهم
عندهم حق ماينزلوش
اصل دى حريه
وكل واحد حر فى رايه
وهما شايفين ان النزول انهارده ملهوش اى فايده
وده رأيك
وانا رأيى لازم تتفرض
ينعم هى حاجه سيئه
بس علشان الناس تهدا شويه وتقعد فى بيتهم
ومش كل حاجه عايزنها ننزل فى الشارع ونعمل اعتصم علشان تتحقق
ربنا ميزنا بالعقل
|
طبعا انا مبهاجمهمش دى سياسة وكل واحد يلعب لصالحه وانا بحترم الفكر ده بس لو حصل عصيان لا هنشوف انتخابات ولا دستور ولا اى حاجة ووقتها الاخوان هيثوروا
وبرضه بكررلا يجرؤ اى شخص فى مصر على اتخاذ القرار ده لانه هيدمرنا اقتصاديا وسيغضب الثوار واخشى من تاجج الغضب بحيث لا نستطيع ان نحكم السيطرة عليه ويرتفع سقف المطالب وكل عام وانتى بخير رمضان كريم