[الاستاذ محمود حميد]

الموقف الي هحكية ده مش هنساة طبعاً
.
.
لما دخلت سنة ساتة حصة احتياطي كانت الحصة التالتة بعدين الولاد والبنات قاعدين يزعقوا ويصرخوا ولا كأني موجود
وانا كل شوية اقولهم خلاص اسكتوووووووو هدوووووووو ......... برضو مفيش فايدة
كان معايا جلدة قولت للفصل كلة قيام
ضربت الفصل كله ولاد وبنات ( جلدتين بس مش اكتر من ضربتين )
بعدين خرجت للفسحة وروحت قعدت في حجرة الكمبيوتر شوية وانا مش عارف الي بيحصل
شوية كدة ولقيت المدير باعتلي
تعالي يا استاذ .......ايه الي عملتة ده
في ايه
روح شوف في ايه ... لقيت اكتر من زميل ليا والعامل ( ما صدقوا طبعاً ) الكل بيقولي تعالي شوف
لقيت بنات الفصل الي ضربتة كلهم قاعدين علي السلم الي مغمي عليه ( طبعاً كدابين ) والي بتعيط والي بتصرخ بصوت عالي
المدير عملي محضر و خلاني امضي عليه ( راجل ندل علشان يخلي مسئولية )
في بنت من البنات قالت ان دراعها اتكسر ( كدابة برضو )
واحد من المدرسين اخدها يجبر دراعها
( بعدين عرفت انها مش اكتر من تعويرة )
تاني يوم ام البنت جت فين المدرس الي كسر دراع البنت ربنا يقعدلة في عيالة
( الحمد لله لسه مش اتجوزت ) انا هروح اشتكية في المركز انا مش هسيب حق بنتي ( طبعاً الكلام ده كله اتحكالي عليه لاني مكنتش تحت )
المهم الست دي قعدت اسبوع رايحة جاية المدرسة تسأل عليا
في الاخر سألوها انتي عايزة ايه ؟
قالتلهم عاوزة تعويض
شوفولي اي فلوس 100 جنية ولا حاجة
طبعاً هما زحلقوها من غير ما تاخد فلوس
ال فلوس ال
تبقي تقابلني