[تغريد الطيور]

السلامـ عليكمـ و رحمة الله و بركاته

***

طبعاً موضوعى النهاردة زى ما مكتوب ف العنوان هايبقى عن ظاهرة منتشرة جداً و اتنشرت أكتر ف الآونة الاخيرة ألا و هى ظاهرة


الاغانى الشعبية


كتير اكيد بيسألوا .. طب و ايه يعنى اللى ف الاغانى الشعبية و اشمعنى هى ماتتكلمى عن الاغانى العادية يعنى !!

هاقولكوا دلوقتى على موقف حصلى يمكن تفهموا منه وجهة نظرى
//
انا الاسبوع اللى فات كان عندى امتحان قران فقعدت احقظ ف اودة اخويا عشان هى اهدى اودة .. المهم روحت احفظ لاقيتلك اصوات غريبة و كلام مش مفهوم و حاجات عجيبة و اصوات مخيفة و اضواء كتيرة جاية من الشباكـ

و كلام مش مفهوم زى مثلا ( كوكا كوكا كوكا ) و مش عارفة ايه و حاجات عجيبة نفسى افهمها

المهم تفسير اللى حصل ان كان فى فرح اودامنا

و ياريت الاغانى مثلا تتفهم .. لاء كلام و الله العظيم مش مفهوم يعنى انا قعدت اسمع الكلام دا على انى نفسى افهم هما بيقولو ايه بس و الله ما فهمت

حاجات غريبة و اكن واحد بيرّجع مش بيغنى

و الغريب اكتر انى بصيت من الشباك لقيت الناس فارحنين قال بالاغانى دى و كأنهم بيسمعوا قران

سبحااااان الله !!!


///

المهم يعنى اللى انا عايزة اقولو ان الموقف دا خلانى ما اركزش ف المصحف و اركز ف الجدع اللى بيتكلمـ دا

دلوقتى بقى انا عايزة افهمـ حاجة

الناس اللى بيغنوا دول بيستفيدوا ايه ؟؟؟؟؟؟؟؟

عايزين بيضيعوا وقت و خلاص !!

و الناس اللى بيسمعوا اغانى دول برده بيستفيدوا ايه ؟؟؟
( بغض النظر عن انها حلال و لا حرامـ .. )

و مؤلفين الاغانى دى ليه ما يؤلفوش كلامـ كويس مش مثلا فى كلمة لقطها كدا من الكلام كانت ( و شربت حجرين ع الشيشة باين دا على حد سمعى ) ايه يعنى معنى الجملة دى ؟؟؟

يعنى هما بيستفيدوا ايه بجد لما بيقولوا الكلامـ دا ؟؟؟


****

و الله يا جماعة بجد مفيش احلى من كلامـ ربنا .. يعنى انا كان جنبى الاغانى العجيبة دى فروحت اسمع القران من الكمبيوتر احسن بصوت مشارى .. بجد فرق السما و الارض .. صوت مشارى كدى يدخل القلب و يريح جداً جداً مش الاغانى دى و الله اتعصبت منها جداً

ايه دا من دا ؟؟ شوفوا دا كلامـ ربنا و دا كلامـ ناس فاضية عايزة تفسد عقول الشباب !!


****


و دا موضوع هنا ف المنتدى قريته جميل اوى عن الاغانى برده ياريت الكل يقراه

( حملة احدث اغانى .. عندنا هنا بشكل تانى )

http://www.thanwya.com/vb/showthread.php?t=188833


****

و ف النهاية اتمنى ان الكل بجد ما يكونش بيسمع اى انواع من الاغانى سواء شعبية او عادية

و للناس اللى بتسمه اغانى يقولولى :

انتوا بتستفيدوا ايه من سماعها ؟؟

و صحيح قبل ما انسى

هوا يعنى ايه ( كوكا كوكا كوكا ؟؟ )