السلام عليكم ..
بصي يا حبيبتي انا نصيحتي ليكي تكملي علمي علوم وتاخدي احياء وتشدي حيلك اووووي
تاخديها يا ستي سنة كفااااح هاتي 100% مش بعيدة والله لو توكلتي على ربنا ابداا
انا هحكيلك حكاية حصلت مع شخص أعرفه لكن كان موقفه اصعب منك كمان ..
كان واخد في تانية احياء يعني مستقبل ومصير واااحد ونقص جامد وجاب 95% للاسف مكنش ادامه
الاختيار يكمل علوم ولا يحول رياضيات لكن زي ما بقولك اخدها سنة كفاح وتوكل على ربنا من اجل التوكل على الله وليس من اجل انتظار نتيجة توكله والحمد الله جاب في تالتة 100% ولما اتجمعت السنتين على بعض وبالمستى الرفيع بقا 98 وحاجة من عشرة ودخل الكلية اللي كان بيحلم بيها ...
نصيحتي بجد ليكي كملي علوم وقضي السنة دي كلها مذاكرة وكفاااح وتوكلي على ربنا واقسملك بالله ربنا مش هيخذلك
اهم حاجة تتوكلي على ربنا بجد من قلبك وتبقي موقنة ان ربنا مش هيخذلك او يضيع تعبك مهما كان المجموع بردو هيبقا خير لانك متوكلة على الله ان شاء الله ..
بتمنى اكون افدتك وربنا يوفقك ان شاء الله ،، انا داخلة تانية ثانوي ادعيلي بقا
