[ENG.HAGAR]

السلام عليكم ورحمة الله وبركاته
اولا يا قمر ما تفكريش فى غيرك لان ده هيتعبك فى اى مرحلة من مراحل حياتك " واسال مجرب يا ستى "
انا عن نفسى السنة اللى فاتت نقصت فى الكيمياء 3 درجات ظلم والله وكنت هعمل تظلم والكلام ده
ورجعت فى رأييى لماعرفت قد ايه ان فى ناس مظلومين كتير وماخدوش حاجة وفى ناس بتاخد لكن للاسف قليل

جزئية تانية
بالنسبة لاهلك فرحتهم هتزيد لما تشدى حيلى السنة اللى جايه باذن الله وهيحسوا انك تستاهلى كل قرش دفعوه فى دروس وكدة
بصى انا ما اقدرش انصحك تحولى او تكملى على نفسطريقك شوفى انت عايزه ايه واستخيرى ربنا
هتلاقى الحاجات اللى ربنا عايزك توصليها هتبقى سهلة والحاجات التانية هتلاقيها صعبة ودى الحاجات اللى ربنا عايزك تبعدى عنها كده مغهوم يا قمر
موضوع ان التنسيق هيزيد السنة اللى جايه او هيقل ده فى علم الغيب وما تربطيش نفسك ابدا بكلام كدة وكدة ومهاترات من ده او ده
حاجة كمان انت بتقولى ان مستواكى متوسط فى الرياضيات والفيزياء ولكن معنى كدة انك ممكن تطورية وتعلى بيه
المدرس الشاطر بيخلى الطالب بفضل ربنا طبعا يحب المادة ويتمكن منها حلو كدة
وكمان يا قمر موضوع التحويل ده بيتقال عنه فى التليفزيون فى وموقع الوزارة وسيبك انت من كلام الجرايد والكلام ده
والله نسبه من كلامهم مش صح "مش بعمم لان فى اخبار صح "
انا اعرف زمايلى السنة دى دخلوا المدرسة وحضروا دروس وبعدين حولوا لعلوم اوادبى فما تقلقيش بالنسبة للجزئية دى
موضوع هندسة او كدة انا بصراحة ما اعرفش اقل هندس ايه لانها بتختلف حسب كل سنة وانت كمان بنت يعنى ممكن تحولى قبل ما تقضى سنة فى الجامعة اللى انت مغتربة فيها وتحولى " الحمد لله ميزوا البنت فى حاجة كويسة "
العفو يا قمر
وسامحينى لو قصرت فى حاجة
وارجو انى اكون افدتك وربنا يباركلك ويجعلك الخير فى اللى نفسك فيه يااااااااااااااااااااارب