[ورش المصري]

بسم الله الرحمن الرحيم
رغم أنني لا احب الاعتصامات والمظاهرات في هذا الوقت العصيب, لكن:
لا اشك ان وزراة التربية والتعليم مسكاها عصابة تسرق وتنهب منذ سنوات عديدة وحتى كتابة هذه السطور
وأهم مظاهر السرقة والنهب واهدار المال العام في هذه الوزارة ما يسمى بالاكاديمية المهنية للمعلمين
أظن انها من اختراع يسري الجمل ربنا ينتقم منه، الذي اهان المدرس وكانه كان ناقص اهانة اكتر مما كان فيه
من فقر وقلة حيلة.
قالوا لا بد للتعين من ان تمتحن الكادر وعلشان تمتحن الكادر تاخد تربوي واي سي دي ال
وتجد ان امتحان الكادر الذي بالطبع يستهلك ملايين من اموال الوزراة الي بتدعي الفقر لا يقدم ولا يؤخر في شئ
المدرس يسهر يحفظ كلمتين طوال الليل ويقوم الصبح افتكر كتب ما افتكرش ها يغش ها يعمل ايه مسكين وعايز يزيد 50 جنيه ويتححق امله قبل ما يموت ويتعين ولو ها يفضل ياخد 390 جنيه طول عمره
سلبية قذرة تربىنا عليها جميعا
لما قامت الثورة والنظام سقط صدر قرار بتعيين كل من امضى ثلاث سنوات في الخدمة في اي قطاع حكومي في الدولة
ثم وجدنا ان اسماء كل من امضى ثلاث سنوات نزلت واتعلقت " للتهدئة" وقالوا راحه التنظيم والادارة وان شاء الله في شهر 7 التعيين.والكادر ها يتلغي .
ثم وجدنا وتاكدنا ان الوزارة الفاشلة الحقيرة الى احنا تابعين لها قالت انه لا بد من الكادر تاني برده مش هامهم حد
لا لان السبوبة من وراء الاكاديمية كبيرة جدا ملايين شوف كام واحد ها يمتحن.
وبعدين في كل محافظة نجح 50 او 40 واحد قالوا دولم يجهزوا اوراقهم للتعيين.
طيب وبتوع الثلاث سنين، قالوا استنوا شوية ونزل الوزير الفاشل تاني قراره بتعيين من اجتاز الكادر
اي كادر يا بني ادم انت بتضحك على مين الكادر ده لعبة حقيرة وقذرة للسرقة
لو هو عارف كده وساكت تبقى مصيبة ولو مش عارف تبقى مصبتين
ده الحكاية باختصار.
طبعا احنا ما عندناش نقابة محترمة
فلا بد من النزول للوزراة وتكسيرها على الي فيها واولهم الوزير
والتعيين لكل من امضى ثلاث سنوات بلا شروط
ورفع الحد الادنى
اصل الوزير لو ابنه جرب ياخد 113 جنيه وهوه معاه مؤهل عالي واحنا في سنة 2011 وك اللحمة 70، 60، 80 جنيه
كان عرف ان الله حق
انما ابن الوزير مش ممكن ياخد كده
لا بد من عودة هيبة المدرس والغاء الزفت الكادر
وانا على المستوى الشخصي منتظر نهاية شهر 7 اذا لم يتم تعييني سوف اقوم برفع قضية على الوزير بشخصه وعلى المشير طنطاوي نفسه
ليفصل بيننا القضاء ونشوف اول قرارات الثورة ها تتنفذ ام لا
وهي تععين كل موظف حكومي بشرط واحد فقط وهو ان يكون مضى عليه ثلاث سنوات
لنقف جميعا من اجل تحقيق هذه الشروط.
اشكركم واسف للاطالة.