[Mr. Ali 1]

المشاركة الأصلية كتبت بواسطة banzer

ولو اننا ابتعدنا قليلاً عن محور الموضوع استاذ علي
إلا انني اتفق معاك بالطبع في هذه النقاط

ولكنني لا اتكلم هنا عن الفساد او على الالتزام
فالفساد يلزمه اصلاح
والالتزام يلزمه فرض عقوبات
وبالتأكيد الكائن البشري يميل بذلك بطبيعته

بس انا كنت بتكلم في نقطة تانية
وهي الثقافة الذاتية

يعني في اليابان انت مش محتاج تحط ظابط في الشارع
عشان يلزم كل واحد يرمي حاجة يرميها في مكانها !

لكن عندنا لو وقفت البلد كلها وحطيت سلة في كل شارع
والله حيرميها جنب السلة بردو
ومش حقولك طفل ... راجل كبير كمان

لإن دي ثقافة ... مش حوار قانون او التزام بمعاد

كان في دكتور بيحكيلنا
كان في امريكا خلال فترة الدكتوراه او حاجة زي كدا

سحب فلوس من البنك وراح مقدمها لمكان كان المفروض يدفع فيه

بعد ما روح قاموا اتصلوا بيه وقالوله المبلغ واصل فيه 100 دولار زيادة
وتعالى استلمها عشان ترجعها للبنك

ولا الطرف ده سأل ولا ده سأل وكان ممكن تتسرق وخلاص
وممكن الدكتور نفسه مكنش رجعها للبنك !

بس خلاص هما عندهم مبدأ حتى لو مفيش قانون حيجري وراهم !

بلاش كدا

في الجامعات الغربية الكبيرة
المكتبة بتبقى مفتوحة طوال اليوم الدراسي
مفهاش فرد امن واحد
بتاخد الكتاب اللى انت عايزه وتقرا اللى عايزه
وترجعه في الوقت الى انت عايزه
ومحدش حياخد باله منك لو ضربت على واحد فيهم في بيتك !

بيتهيألي الموضوع موضوع ثقافة وتربية من البداية
وملهوش علاقة بوجود قانون او الزام او مراقب

لذا فالاصلاح سيبدأ من الجذر وليس من الرأس

ولو بدا المصطلحان متشابهان إلا انهما مختلفان !

والله مدرك تماماً أن مضمون الموضوع يتحدث عن ثقافة الشعب المصري . لكن الثقافة دي مرتبطة بأشياء أخري , وهناك ثقافات تكتسب بالالزام والفرض وهناك ثقافات تكتسب بغير ذلك . وما ذكرته أنت من مواقف في موضوعك يخضع للالزام .
الدول التي ضربت بها الأمثلة كلها دول متقدمة وظلت سنوات وسنوات حتي وصلت لما هي عليه الأن ولك يكن حال الشعوب بها كما هو عليه الحال الأن سواء في الثقافة أو في غيرها .
مينفعش أقارن بين انسان ناضج وبين طفل يحتاج إلي الرعاية والاهتمام والتوجيه والشدة أحياناً . هذا ما يجب أن نتعامل من خلاله مع الشعب المصري وهو أنه مازال طفل ويحتاج إلي الأمور التي ذكرتها . أما ان ظللنا نردد مقولة أننا شعب الحضارة والشعارات الرنانة وانتظرنا أن يأتي التغيير من داخل الشعب المصري نفسه , فلن يتغير أي شيء .