السلام عليكم
اولا مبروك النجاح
ثانيا انت جايب حوالى 98% يعنى زيى تقريبا
وانت قدامك ان شاء خمسه درجات مستوى رفيع تعوض بيهم يعنى ممكن نقول بادىء تالته بميه فى الميه
ثالثا قدامك احتمالين
اما الامتحانات تيجى سهله والسهل عليك سهل على غيرك يعنى المجاميع فى السما والتنسيق فى السما
والاحتمال التانى الامتحانات تيجى صعبه والصعب عليك صعب على غيرك والمجاميع اقل شويه من السنه دى وبالتالى التنسيق اقل (انا شخصيا متوقعه ده)
بس المشكله ان عدد المجاميع العاليه السنه دى كتير جدا يعنى حتى لو نقصوا السنه الجايه هيكون العدد كتير متساوى فى المجاميع سواء بقى كانت عاليه ومنخفضه (اتمنى تكون فهمتنى)
والله انا رأيى
توكل على وكمل علمى علوم
وركز جدا فى الخمس درجات بتوع المستوى لان فعلا دول اللى هيفرقوا معاك
وابذل اقصى طاقتك السنه اللى جايه دى لان على قد تعبك على قد ما هتاخد
وسيب الباقى على ربنا
لو الامتحانات سهله هتجيب مجموع عالى وهتلحق ان شاء الله
لو الامتحانا ت صعبه هتنزل شويه بس هتبقى ضمن احسن المجاميع وان شاء الله هتلحق
انا جبت فى تانيه 201
وفى تالته 201.5
ومستوى 3
يعنى التوتال 405.5
وان شاء الله ناويه على طب المنصورة
ادعيلى بقى الحق وربنا يوفقك ان شاء الله
|