اقتباس:
المشاركة الأصلية كتبت بواسطة vampire1188
التعليم المميز دا مجموعة من ضمن المجموعات الخاصة بتجارة عربى ..
اما تجارة انجليش فدي شعبة لوحدها والاتنين مالهومش اي علاقة ببعض
التحويل من تجارة انجليش لتجارة انجليش ممنوع منعاً باااااااتا
بمعنى لو انت في تجارة انجليش بنها وساكن فى القاهرة وعايز تحول تجارة انجليش القاهرة مش هاينفع
الا في حالة واحده وهوا انك تمضى تنازل وتحول تجارة القاهرة بس هاتبقى شعبة عربى مش انجليش
مجموعك الاعتباري بعد اضافة الانجليش غالبا هايبقى في حدود 408
فايعتبر كويس مش وحش .. بس برده ماقدرش اديك رأي قاطع انك تخش انجليش القاهرة
لكن لو مثلا انجليش بنها او انجليش حلوان فدا اه ان شاء الله تخشها
لان اعلى تجارة انجليش في مصر كلها هاتلاقيهم فى القاهرة وعين شمس
ولو قدمت فى تجارة انجليش القاهرة وماتقبلتش هاتضطر غصب عنك انك تروح تجارة عربى
ومشكلة تجارة القاهرة ان نتيجة التنسيق الداخلي بتطلع متأخرة .. يعنى ممكن تظهر قبل بداية الدراسة بأسبوع
فالمشكلة هنا بتكمن فى انك مش هايبقى قدامك فرصة انك تحول ملفك لجامعة تانية مثلا
زي حلوان او بنها لان ساعتها هايكون باب التقديم قفل .. فهيا مشكلة التقديم في تجارة انجليش ان بيبقي فيها مخاطرة
اما بالنسبة لسؤالك الخاص بأعلى تنسيق كان ايه .. والله مش فاكر الرقم بالظبط
بس اللى متاكد منه انه تنسيق تجارة انجليش دفعة 2007 دا كان تنسيق تاريخي
لان المجموع الاعتباري تقريبا كان واصل لـ 420 !!
بس لو رجعت وشوفت المجاميع في سنة 2007 والتنسيق العام لسنة 2007
هاتلاقي ارقام عجيبة ومجاميع خيالية .. فاوعي تقارن بسنة 2007 نهاااائى .. دي انا بعتبرها سنة استثنائية
وكذلك برده تنسيق السنة اللى فاتت ماتقارنش بيه لانها كانت سنة الفراغ
والمجاميع فيها كانت قليلة جدا لان الاعداد اصلا كانت قليلة
|
تسلم ياباشا ...
طيب اذا حولت قبل بداية السنة اقدر ادخل انجلش؟