[مروه]

المشاركة الأصلية كتبت بواسطة hatemT

أولا: السلام عليكم ورحمة الله وبركاته

وعليكم السلام ورحمة الله وبركاته

ثانياً: يشرفني أن أكون أول من يرد على الموضوع

الشرف ليا
ثالثاً: الرد........

هو بالفعل مشكلة لا أحد سبب فيها!!!!!!!!!!!!

أنا عارف أنكم مستغربين بس دي حقيقة

ممكن تلاقي رأي يقول أن سبب العنوسة أن الحال واقف, ومفيش شغل, ولو في شغل بيبقى بفلوس قليلة, وكلام من هذا القبيل

ولكن ببساطة الزواج قسمة ونصيب, ومن يستعفف يعفه الله

أنا أرى أننا وصلنا لهذا الدرجة بسبب ابتعدنا عن مبادء الحياة السلية الأساسية

شكراً لحضرتك على الموضوع الرائع

ايوه طبعا الزواج قسمة ونصيب محدش قال حاجه

بس مينفعش يكون نسبة العنوسة فى مصر أكتر من 10 مليون ونقول أصل الزواج قسمه ونصيب

أومال فين الأخذ بالأسباب ؟؟

يعنى الحال واقف ومفيش شغل والفلوس قليلة ... يبقى لازم الأباء يراعو ده لما يجو يطلبو حاجه من العريس

بدل الطلبات الفلكية اللى بيطلبوها

وشكرا على رأى حضرتك نورت الموضوع

المشاركة الأصلية كتبت بواسطة marmora alamora

فعلا عندك حق يا مروة العنوسه منتشره الايام دى جدا

بس انا بيتهيالى ان سبب العنوسه البعد عن ربنا لان الزواج رزق وعلى طول بنلاقى البنات القريبه من ربنا اول ناس بتتخطب وتتجوز

شكرا على الموضوع الجميل يا مروة تقبلى مرورى

مرمورة الأمورة عندنا يا مرحبا يامرحبا

طبعا الزواج رزق ....... بس مش معنى كده البنات القريبه من ربنا هى اللى بتتخطب وتتجوز والباقى لأ

مش شايفه أى علاقة بينهم ... بالعكس أنا بشوف بنات كتييييييير ملتزمه جدا وكويسين جدا

وعدوا 28 و30 سنه ولسه مش اتجوزوا والعكس

ممكن البعد عن ربنا سبب من أسباب العنوسه بس بشكل تانى

يعنى بقت البنت أو الأباء أهم حاجه تهمهم إن العريس يكون عنده شقه جاهزه وفلوس وعربيه ويقدر يعيشها

كويس بغض النظر عن أخلاقه ودينه و صلته بربنا

نورتى التوبيك يا ميرو

المشاركة الأصلية كتبت بواسطة عاشقة الطفولة

هههههههههههههههههههههههههههه

ضحتيني يا مروة

بس مجتمنا كده متخلف ها نعمل ايه؟؟؟؟؟؟؟؟؟؟؟؟

إيه كمية الضحك دى كله يا بسبس

هو الموضوع يضحك أوى كده ولا إيه

عندك حق ممكن يكون مجمتمعنا فيه شوية تخلف عشان كتير بيبص للبنت على إنها سلعة

بس غصب عنه لازم يتغير

نورتى التوبيك ياجميل