[!! Dark Man !!]

المشاركة الأصلية كتبت بواسطة غيث السما

اهو انا مكتش اعرف المعلومه دى على العموم منكم نستفيد
بس برده انا بحب الشعر والنثر ومش عشان هشام الجخ كده اكره الشعر وانا من قبل ما اعرفه وانا بكتب بس ساعات يعنى مش علطول هيه موهبه وفى نفس الوقت صعبه عليا يعنى مقدرش اجبها فى اى وقت ودى مش حلوه انا كمان بعشق الانجليزى دى اكتر ماده بحبها انا تقريبا رحت عند 8 مدرسين وفى الاخر معجبنيش الا واحد وانا معاه من6 ابتدائى وبقفل كل سنه الانجليزى
والدراسات برده كات باخد عند وااحد كان قارفنا فى عيشتنا بعد لما تذاكر يسالك مثلا 30 او 40 سؤال 20 منهم بم تفسر والباقى صح وخطا واللى كان يغلط فى سؤال واحد كان بيبهدله بس رحت بعديها لمدرس شاب مش معروف لسه كله كان بيقول عليه وحش بس اه استريحت معاه يعنى الترم اللى فات كت حفظه الدراسات وفهماه الحمد لله

اه الشعر ده موهبة من عند ربنا وربنا يحفظها ليكى ومتقلقيش ده لسه فى الاول بيكون فى كده وبعدين هتلاقى كله معاكى سهل وبتطلعى شعر فى دقايق
وانا بالنسبة للانجليزى كنت باخذ عند مدرس فى الابتدائى كنت دايما بجيب عنده الدرجات النهائية وحببنى فى الانجلش وبفضله بعد فضل ربنا عرفت اجيب 347 من 350 فى المرحلة الابتدائى بس فى الاعدادى طلعت من عنده ورحت عند مدرسين كتير وده السبب اللى ضيعنى فى الانجليزى عشان مثبتش ع مدرس واحد
كان فى صراحة مدرسة جميل كنت باخذ عنده فى 2 اعدادى وكنت بقفل الانجليزى دايما وفى 3 اعدادى رحت لمدرس قالوا عليه مشهور بس للاسف مستواى نزل فى الانجلش ونقصت درجتين ونص الترم الاول
بس للنسبة للدراسات انا فى اولى وثانية اعدادى اخذته فى البيت وكنت دايما احفظه وافهمه وبعدين احل عليه كل التمارين وده اللى خلانى صراحة احب الدراسات انى اعتمد فيه ع نفسى وعرفت احل عليه كل التمارين بس فى 3 اعدادى عشان مهمة رحت لمدرس وبقيت اجمد فى الدراسات والحمد لله قفلته ما انه جه نفخ جدا فى الترم الاول وفى ناس كتير سقطت بسبب طول الامتحان وصعوبته وكاان لازم نكتب كل سؤال فى ورقة الاجابة وعشان كده محدش لحق يحل بس الحمد لله قفلته وربنا يوفقنا بقى فى الثانوية العامة عشان محتاجة مجهودجبار