[عمرو.22]

و الله يا جماعة انا كان قدامي في امتحان العربي أغش سؤال كان واقف قدامي بس مرضتش و قولت حرام و مغشتش مع اني كان ممكن اعملها و نقصت درجة بسبب السؤال .. و غيري ما شاء الله كانو شغالين غش على ودنو و قدام عيني و منهم ناس جابت أعلى مني ..

و غير كدا ان عملت إعادة تصحيح في مادتين و لما شوفت الورق لقيت نفسي مجاوب سؤال بالنص من كتاب الوزارة و المصحح (( ربنا ينتقم منو )) حاسبلي السؤال كلو غلط .. و سألت مدرس المادة على الفقرة دي قاللي اجابتي بالظبط و شوفت نموذج الاجابة على النت لقيت الاجابة مطابقة لاجابتي بالظبط و شوفت كتاب الوزارة لقيت نفس الكلام .. بس هقول ايه غير حسبي الله و نعم الوكيل .. و يا عالم هل هيصححو المادة العلمية ولا هيجمعو درجات بس لما يعيدو التصحيح ..

أنا دلوقتي واقفة معايا على نص درجة و ابقى ضامن الطب بنسبة 95% .. بس دلوقتي أنا على الحركرك .. مش عارف ان كنت هدخل طب ولا لأ ..

بس برضو الحمد لله اني مغشتش لأن مالي كان هيكون حرام طول عمري و انا مقبلش اني آخد قرش واحد حرام ..

و إن شاء الله ربنا مش هيضيع تعبي و حقي ..