أشكرك أ / محمد ضبعون على كلامك الجميل
و لكن أشعر أن الواقع يختلف كثيراً عما نتكلم عنه
المدرس ( أنا بتكلم عن نفسي ) بلجأ إلى أسلوب التشويق و المتعة في الشرح
باستخدام أساليب تجذب إنتباه الطالب ( رفع الصوت - خفض الصوت - رسومات السبورة - تشبيهات من الطبيعة - إشارات باليد و غيرها ) بالإضافة إلى الهدايا و عبارت التحفيز
فبعض الطلاب (في أماكن راقية) يستجيبوا و يتفوفوا و يحبوا المادة العلمية
و البعض الأخر ( في أماكن شعبية ) لا يستجيبوا """"" معلش أنا زهقت من العربي و هكلم عامي """"
مبيعبرونيش نهائياً و اللي يضرب التاني على قفاه و اللي يقولك يا عم سيبك منه دا مدرس فرفور و اللي يقرص زميله و اللي يتكلم في الفصل عمدا و بأساليب مستفزة
فدول طبعاً ملهمش (معلش في اللفظ) إلا ضرب الجزم
و الكلام ده مش جايبه من عندي ده حقيقة أنا شايفها قدامي
الأماكن الراقية بيمشي معاهم الأسلوب اللي حضرتك بتقول عليه و أصحاب المراكز بيتبعوا الإسلوب ده فعلاً و بينجحوا
أما الأماكن الشعبية فأصحاب المراكز يتعاملوا معاهم بالضرب العنيف و بينجحوا معاهم فعلاً
و لكل طالب الأسلوب الذي يلزم التعامل به
و أظن الرسول كان برده بيتعامل بهذه الطريقة مع الناس
بعض الناس كان يتحدث إليهم بلطف ليحببهم في الدين
و بعضهم بالقوة (مش الضرب) بس بقوة تليق بمن يتعامل معه
كما مع عمر بن الخطاب عندما جاء إلى الرسول و كان يراوده الإسلام
فأمسك الرسول بملابس عمر و شد رقبته نحوه بقوة و قال له ( أما آن لتؤمن يا عمر )
آسف على الإطاله
__________________
أ/هشام السيد محمود مدرس العلوم و الكيمياء
|