[العم الكبير]

المشاركة الأصلية كتبت بواسطة ningooooo

يعني عندك مثلا الفيزياء ده منظر امتحان!!!!!!!!!!!!!!!!!!!
انا و احد من الناس مثلا نسيت سؤال للاسف مشفتوش و انا عارف اني غلطان مع ان الفيزياء دي اكتر ماده كنت بحبها جدا و متعمق فيه لكن لما اشوف الاقي معظم مصر جايبه 50 و اكيد معظمهم يستحقوا لكن مثلا لو كان الامتحان فيه افكار كان اللي مستواه متوسط يقع في حاجه فيبقي كل واحد ظهر مستواه لكن كده في ناس جابت مجاميع مكنتش تتصور انها تجيبها في يوم و بقي في دماغهم انهم كده خلاص عباقرة و يستحقوا كليات قمة كلهم
و انا مش قصدي حد و الله

انا اكيد مقدر مشاركتك و اتفق معاك انا تعرضت لنفس المشكلة مع الفرنساوى لكن اللى انا بقوله ان قدرتك على النجاح فى ايدك انت و بس اكيد انت تقدر تثبت بعد كده انك افضل تركيزك على الاشياء دى هيفقدك قدرتك على النجاح و بكده ممكن نكون خسرنا عالم او استاذ كبير صح الكلام؟