[The Secret]

انا مش هقول تفاصيل كتير بس عايز اقول ان المجلس العسكرى اصبح يكيل بمكيالين
يعنى لما جريدة صفرا قالت ان وزير الاتصالات كان ليه علاقة بشركة اسرائلية بعدها على طول شالوه من غير اى دليل
ولما يكونوا عارفين ان شفيق راجل ينتمى إلا النظام السابق ويده ملوثة وعليه علامات استفهام كتير
ويصروا على ابقاءه ومتخلعش إلا بالمليونات اللى كنت تنزل
اذا هو يكيل بمكيالين وتفاصيل كتير تدل ان المجلس اللى عسكرى شكله مش عايز يسيب السلطة والحال عجبه
للعلم ان الدكتور حازم عبد العظيم كان بينزل المظاهرات من اول يوم فى الثورة والبرادعى قال فى اخر لقاء ليه إنه كان بيجى يزوره البيت قبل الثورة وامن الدولة بعدها هدده انه هيقتل ولاده
اللى عايز اقوله للمجلس العسكرى ان لو الوزير فعلا كان ليه علاقة فعلا بشركات اسرائلية كنتوا هتخلوه وانتوا اللى حطيتوا نفسكوا فى موضع شبهات
انا مش جاى اتكلم على فكرة بشكل رئيسى عن موضوع وزير الاتصالات بس دى حاجة من ضمن حاجات كتير تخلى الناس تطالب باسقاط المجلس العسكرى
وافصلوا بين المجلس العسكرى والجيش