اقتباس:
السلام عليكم
انا اسف بس لو هتقل بس بجد اكون شاكر لو حد ساعدنى انا جايب 92 علم رياضة وشكلى مش هحصل هندسة فابتديت افكر فى تجارة بس صراحة انا معرفش حاجة تقريبا عنها
ايه اقسامها ؟وانى واحد احسن عموما ؟
|
في غالبية الجامعات هاتبقى محاسبة وادارة اعمال وتأمين ..
وفي بعض الجامعات زي حلوان هاتلاقي اقسام زيادة زي اقتصاد وتجارة خارجية
وجامعتين في مصر كلها مش هاتلاقي فيهم غير قسم علوم اكتوارية .. القاهرة والجامعة الامريكية
انهى الاحسن ؟ غالبا هوا قسم محاسبة عشان سوق العمل فيه كتير ومتاح
اقتباس:
|
ايه الكورسات الى ممكن اخدها تخدم اى قسم منهم ؟
|
كتييييييييييير ..
عندك الـ cma والـ cpa والـ cfa وبلاوي تانية دي لمحاسبة
والـ mba لادارة اعمال .. بس ربنا يقدرك وتخلص الكلية الاول
اقتباس:
|
انى احسن تجارة عين شمس ولا القاهرة ؟
|
عين شمس اصعب .. حتى جري العرف يقولك ان الجيد في عين شمس بتساوي جيد جدا فى القاهرة
بس في نفس الوقت القاهرة اسمها اشهر وسمعتها كويسة
اقتباس:
|
لو دخلت تجارة عادى مع كورس انجليزى من الجامعة الامريكية هتفرق ايه عن تجارة انجلش ؟
|
تفرق كتير طبعا .. مش كل من دخل تجارة انجليش بقى اكسفورد وشكسبير فى الانجليش
فيه فرق شاسع بين الدراسة الاكاديمية بالانجليش وبين الانجليش كلغة اتكلم واتخاطب بيها مع البشر
تجارة انجليش انت بتدرس المواد ذات نفسها بالانجلش ..
وبالتالى مافيش كورسات في مصر هاتعوض الموضوع دا لو دخلت تجارة عربى غير كورس اسمه sat
ودا مش بيتاخد غير في عين شمس وغالى
اما كورسات الايه يو سي والبريتش كاونسل وبيرلتز والحاجات دي فادي بتبقى عشان اللغة ذات نفسها
انك ازاى تتكلم وتكتسب مهارة التحدث والكلام .. وبالتالى مالهاش اي علاقة بالدراسة الاكاديمية
اقتباس:
|
فى المستقبل هيكون مجال شغلى مفتوح اد ايه وايه مدى تطلبه فى سوق العمل ؟
|
هايبقى ان شاء الله مفتوح .. بس زي ما دايما بقول لازم تبقى طموح وسقف طموحك يكون عالى اوي
عشان دا يديك دافع انك دايما تتعب وتذاكر عشان توصل للى انت عايزه
يكفى انى اقولك مجال التجارة فيه بنوك وبورصة وشركات قطاع خاص بالعبيط
دا غير مجال شركات الاتصالات وخدمات التعهيد والاي تي
وممكن تفكك من تجارة وتخش في مجال الاوراكل وتربط الاتنين ببعض والمجال دا بيبقى جامد جدا
اقتباس:
|
لو عايز اتخصص فى حاجة تكون قريبة من التجارة يفضل ايه ؟
|
مش هاتلاقي .. لان تجارة = محاسبة = شغل كتير وحاجات عمرك ماهتدرسها الا في تجارة
يعنى حتى لو قولتلك انك مثلا ممكن تخش سياسة واقتصاد وتتخصص في سنة تانية اقتصاد
دا برده مش هايبقى قريب من تجارة .. لانك بتدرس اقتصاد بس
اقتباس:
|
ايه هو المجموع الاعتبارى ومحتاج كام عشان اخش تجارة انجلش ؟
|
مجموع الثانوية العامة الكلي بدون المستوي الرفيع + درجة الانجليش + مستوي رفيع انجليش ان وجد
ومافيش حاجة اسمها محتاج كام ..
بس عموما لو انت مجموعك فوق الـ 92 % يبقى ان شاء الله اقولك مبروك من دلوقتى