اقتباس:
المشاركة الأصلية كتبت بواسطة cat2007200
طب بشرى صعبه فى دراستها
انا مستوايا كويس بس مش بحب اذاكر فترات طويله هما كام ساعه وخلصنا 3-4
يا ترى الدراسه فى الطب البشرى صعبه ولا ايه ؟
وبتذاكروا كام ساعه فى اليوم علشان تعدوا؟؟
يا ريت بدون مجامله او تشجيع عاوز الصراحه
|
عايز اقولك مبروك مقدماً ...
ثانياً مافيش اي حاجه سهله يا دوك ..
انت لو دخلت زراعة او علوم او حتي اداب مش هتلاقيها سهله
الميزة ف كلية الطب انك كل يوم هتاخد حاجات جديدة ..
مش هتلاقي ملل
حاجات انت اصلا بتكون متشوق تعرفها بالفعل !!
غير اي كلية تانية مع احترامي ليها
عدد ساعات المذاكرة في حدود (5,7’,9)
يعني 5 ساعات او 7 او 9
هتختلف من يوم ليوم حسب حالتك انت
و طبيعة يومك ,,,
في ايام هتخلص متأخر و في ايام هتخلص بدري
في ايام هتكون تعبان و في ايام هتكوم مصحصح
في ايام مش هيجيلك فيها مزاج و في ايام ربنا هيفتحها عليك في المذاكرة
يعني هي بتيجي بظروفها ...
المهم انك تغطي كل اللي انت خدته بما يرضي الله : سواء في ساعه او ساعتين او 24 ساعة .. دي حاجة ترجعلك انت .