[تغريد الطيور]

المشاركة الأصلية كتبت بواسطة the coder

مش كل حاجة تنفع في امريكا تنفع هنا في مصر و ده طبعاً تخلف من اللي فكر يطبق النظام ده في مصر

برده مانستاهينش بقدرات المصريين .. ممكن مصر تطلع علماء أحسن من أمريكا آلاف المرات !

هو ممكن البرادعى يطبق الحاجات اللى شافها ف أميريكا و بكدا على ما أعتقد ممكن نكون استفدنا منه شوية

لانها مادة فهم مش مستعدين لدراستها......ربما فعلاً لان المواد زي دي لازم يبدأ المدرسين في البداية انهم يعملوا جذب للطلاب ليهما بتناول بعض موضوعاتها الشيقة و الممتعة للدراسة عشان يحب الطالب دراستها و ميحسش بملل منها او تبقي تقيلة عليه ........طبعاً ده في مصر تييييييت للصبح

لا و الله احنا مدرسة الانجلش طبقت النظام دا بحيث انها خليتنا نحب اللغة نفسها مش المادة .. يعنى خليتنا نتكلمـ انجليزى كتير ف الحصة و مفيش كلامـ عربى خالص و عملتلنا مسرحيات بالنجلش و مثلناها و طريقتها عملت نجاح و قالتلنا انها اكتشفت مواهب ف الفصل كتير بحيث ان صحبتى بتعرف تمثل جداً ما شاء الله و واحدة تانية كانت بتعرف ترسمـ و رسمتلنا واجهة المسرحية و تالتة لبقة ف الكلامـ و انا كان علىّ الاخراج عشان تعرفوا انى موهوبة من صغرى
و بكدا خلتنا ماننساش الدرس ابداً و ف نفس الوقت اكتشفت مواهبنا كلنا .

اكيد ..... ايه لزمة الرياضيات لادبي تانية ثانوي؟؟ ايه لزمة المادة الادبي؟؟؟ هيقولولي ثقافة؟؟؟ امال الانترنت ده ايه؟؟ احنا مش هنضحك علي نفسنا بكلمتين كده

مش ثقافة .. انا بقول ان لازمة الرياضيات لأدبى انها فقط بتمنع مخ اللى داخلين ادبى من انهمـ يحصلهمـ جمود فكرى بحيث ان كل نظامهمـ هايبقى حفظ × حفظ و مفيش مادة تشغل المخ خالص !
انا بس عاملة على مصلحتهمـ
أما موضوع الانترنت فـ مش كــل البيوت فـ مصر عندها نت .. فـ هما مش معتمدين عليه بسبب الموضوع دا .

الدروس الخصوصية نتيجة مش سبب و الاولي علاج السبب و هو المدرسة.....متي يكون راتب المدرس حاجة محترمة و كلية المدرسين كلية محترمة الدروس الخصوصية هتقل كتير و المدرسين هيشوفوا شغلهم بضمير

أكيد طبعاً .

انا اختلف معاكي في دي.....مصر هنا صعب اني اقول اخلي درجة علي المدرس برضه لان دي مبتبقاش كويسة لان لسه في دروس خصوصية و المدرس ممكن يتحكم في الطالب و يفضل حد عن حد عشان الدروس و كده
فدي ممكن تتطبق في مراحل متقدمة مش دلوقت خالص

ااه ما أنا كان قصدى انها تتعمل لما نكون خلاص بقى الدروس الخصوصية شيه اتلغت .

كان في واحد صاحبي اقترح فكرة اسمها بطاقة المواهب و دي بطاقة بيطلعوها للطالب من حضانة و كل سنة بيكتبوا مجال تميز الطالب و تعليق علي المجال ده و بتستمر معاه لغاية ما يخلص التعليم الثانوي
و بتساعدة في الكليات لما ييجي يقدم فيها يعني

مـــــا شاء الله اقتراح ممتاز بجد و ياريت يتطبق

انا كان ليا تخيل كامل لنظام تعليم جديد في مصر
هبقي اعرضه بعد الناس ما تتكلم و هعرف الاراء
و بإذن الله نقدمه كبحث تعليمي و نناقشه مع سيادة الوزير املاً في تغيير اي شيء
شكراً لمرورك اسعدني يا نور الايمان

الشكر لله .. موضوع حضرتكـ هوا اللى اسعدنى جداً بصراحة

بالتوفيق