هههههههههههههههههههههه آن شاء الله
اها هو العريس بقي بيكلم الاب او الخال عشان يوصل الفكرة الاول لاهل البيت عشان يسمحوا ليه انه يدخل البيت من بابه ولا ايه
وفي حالة موافقتهم وان العروسة تشوفه يدخل العرييس مع اهله طبعا ويتكلم عن نفسه شوية عن شغله وكده
ويبدا والده يتكلم ونقول احنا طالبين بنتكم الكريمة لابننا
وتبدأ بقي آلعروسة في الدخول عشان تقدم الحاجة وتكون مكسوفة جدا
والعريس يبصلها عشان يشوفها كويس بس هي مش تقدر تبصله لانها مسكوووووفة
وبعدين يخلوها تقعد معاهم كلهم شوية
وبعدين الاب والام ياخدوا ابو العريس ومامته ويروحوا مكان تاني ويسيبوا العرسان يتكلموا ع انفراد شوية
وبعدين يتكلموا مع بعض شوية ويسألوا بعض عن حاجات عايزين يعرفوها من بعض
ويمشي العريس بعدها بقي
وبعدين يبدأ الاب ياخد رأي البنت في العريس
عجبها يكلموا آلعريس ويفرحوا مش عجبها يقولوله كل شئ قسمة ونصيب
وتبدأ بقي فترة الخطوبة وآلخروج بس لازم يكون معاهم حد يخرج معاهم وحد يكون غلس ورخم زيي بالظبط
انا بقي كنت بستني لما جوز اختي ايام الخطوبة يجي ويقعدوا لوحديهم شوية ادخل ارخم عليهم واقعد معاهم وهما محرجيين عايزيني اقوم واختي تقولي روحي شوفي بابا عايز ايه
عليا انا برده هههههههههههههههههه
وبعدين اقعد ارخم بقي مانا رخمة
لحد اما بابا يشتمني واطلع
وطبعا بيحددوا بقي مواعيد الجواز والعرسان يتفقوا ع الحاجات الي عايزينها
وطول ماهم مبسوطين مع بعض يكمل المشوار وتنتهي بالزواج
