بص يا سيدى انا خلصت تانية ثانوى و طالع تالتة السنة ديه و الحمد لله قفلت الانجليزى السنة ديه
اولا انا عايز اسئلك سؤال هو انت ليه عايز تجيب 24 و نص اقصد ليه مش عايز 25 الحكاية مش بالصعوبة الى انت متخيلها اولا لازم تعرف ان الانجليزى بحره واسع جدا ولازم تجتهد فيه جدا مش من اول يوم فى السنة لا من اول ما تقرأ الرد و عشان مايبقاش كلامى كلام نظرى بص يا معلم انت فى الفترة ديه لغاية بداية شهر 8 عايزك تراجع المنهج بتاع تانية كويس علشان هو نص منهج تالتة وعليك بحفظ الكلمات و لازم تفظ الكلمات فى سياقها العام علشان تعرف تستخدمها وقت ما تعوزها يعنى هتلاقى هنا فى المنتدى ملازم كتير لمواضيع التعبير ممكن تنزلها كلها و تبتدى تاخد كل يوم 4 مواضيع و تقراها و تحفظ منها الكلمات انت فى الاجازة و فاضى يعنى مش وراك حاجة ثانيا من اول اسبوع فى شهر 8 عايزك تنزل تسأل عن الكتب الخارجية فى الفجالة انا السنة الى فاتت كنت باستخدم كتاب senior و كتاب surprise بأمانة كتاب senior فاجر مالوش حل عايزك تشتريه لانه بيجيب اسئلة كتاب الطالب و اسئلة كتاب ال work book و بيهتم بكل تفاصيل المنهج و ال exam skills ثالثا وده برده من عوامل التفوق العامة انك لازم تاخد عند استاذ حلو جدا مش حلو بس يعنى يحل نماذج و يمتحنك كل حصة امتحان من 50 درجة اقصد هو الى يشغلك مش انت الى تشغله رابعا يقول زج زجلر : يفشل الناس كثيرا ليس بسبب نقص فى القدرا و انما بسبب نقص فى الالتزام
|