[محمد السويركى]

انا عندى فكرةما يعلم بيها الا ربنا
ايه رأيكم لو نعمل فيش وتشبيه لبعض بمعنى نقرب شويه من بعض عن طريق تسريب بعض المعلومات العادية عننا واللى عاوز يزود يبقى كتر خيرو .. بحيث اننا نبقى عارفين بعض الى حد ما وده ممكن يمنع اى اساءة غير مقصودة فى الردود او فهم خاطئ من قبل عضو لعضو آخر ... وهكذا
طبعا انا مش حعمل استمارة مخصصة حتى نترك الحرية للجميع ومش نغصب حد يقول حاجة هو مش عاوزها
بس بديهى ان الاستمارة يبقى فيها
الاسم
اسم الشهرة ان وجد
العمر ( لو عاوز يكروتنا فى العمر مافيش مشكلة بس هو اللى خسران )
العنوان ( لو عاوز يضحك علينا ويقولنا عنوان غلط .. عادى .. هو حيروح مننا فين )
الحالة الاجتماعية ( يمكن نقدر نوفق راسين فى الحلال .. مع ايمان الكامل بالمثل اباه ... امشى فى كذا وما تمشيش فى كذا
الوظيفة
المؤهل الاصلى
شهادات اعلى
الهوايات
غيرو
غيرو
مذكرات
طبعا انا مش حبدأ علشان انا خايف تعملو فيا زى ما عملتو فى موضوع الشطرنج وموضوع عادات رمضان ولولا لوجين عليا كان زمانى اشهرت افلاسى
يا فتاح يا عليم يا رزاق يا كريم
طبعا انا مستنى معلومات عن ناس معينة عاوز اعرفها عن قرب علشان اخلى بالى من كلامى وانا بكلمها منعا للخبطة
يهمنى اعرف معلومات عن
لوجين
كابونى
الرميسى
محمود الشاعر
كنارة الحب
سيلفانو
وغيرو والله بس انا مش فاكر كويس
لان فعلا شكلنا كده حنبقى عيلة