[طالبة المعالى]

السلام عليكم
الموضوع حلو جدا وعجبنى ان احنا البنات بس اللى بنرد
انا هتكلم عن الموضوع بشكل عام
اولا التوتر دا بيروح لو رحت لاكتر من عروسة ومحصلش نصيب بيبقى الشعور عادى دا بشهادة اكتر من واحد من قرايبنا

واى واحد بيروح يتقدم لبنت اما سمع عنها من حد من الاقارب او بترشيح ماما او يكون بيحبها مثلا

فتروح مامته وواحدة من اخواتة البنات
انا افضل ان الام والاخت يروحوا مرة من غير العريس الاول يشوفوا البنت من غير حجاب ويشوفوا اسلوبهم فى الضيافة والتعامل وترتيب بيتهم
اعتقد حاجات مهمة بتفرق بعد كدة ،ولو حصل ارتياح تانى مرة العريس بيروح يشوفها طبعا يكون والدها او اخوها او عمها موجود وبيتكلموا
ولازم تكون الافكار مترتبة يعنى الأسئلة تكون جوهرية مش كلام عام والنقطة دى احط تحتها متين خط

وطبعا يعنى البنت بتكون مكسوفة فلازم العريس ميقعدش طول الوقت يبصلها ممكن ينزل نظرة شوية عنها علشان يديها فرصة تشوفه
وبعدين بيستخير وبس لو حصل نصيب واتفقوا بتم الخطوبة وكمان فترة كتب الكتاب بتبقى احلى من الخطوبة

وانا اعتقد ان اصعب من دا كلو لما تقعد مع عمك ووالدك وتتفقوا بقى وانا شفت خطوبات بتتفشكل وطلاق بيتم قبل الدخول بسبب الموضوع دا فيفضل الاتفاق قبل الخطوبة حتى
تلاقيهم بيتلككوا وعموما بيظهر بقى البخيل من الكريم وبتظهر حسن الاخلاق ومعادن الرجال هنا ومش شرط على فكرة ان الكريم يكون معاه فلوس كتير بالعكس ممكن تكون مادياته بسيطة
الموضوع دا كبير قوى وعندى حاجات كتير ممكن اقولها بس دا الرد على الاسئلة

وعادى يعنى لو الخطوبة اتفركشت البنات والرجالة مخلصوش يستمر البحث
الى أن تقع الفأس فى الرأس
بس بعدين متقولوش يا ريتنى مكنت اتجوزت
بس دا طبعا لو معرفتش تختار صح