اقتباس:
المشاركة الأصلية كتبت بواسطة miss dode
أنا بعترض علي الحل ده
لأن الكورة مش في ج أحنا أفترضنا انها في ج طب لو ما طلعتش في ج
بمعني أصح لو الكورة في المجوعة ( أ أوب ) أنتو بتشتغلونا ولا أيه 
أنا عوزة الحل الصح لأني فكرت فيها ومش لقية حل
وما اعتقدش ان الحل ده صح فكر فيها تاني ها تلقي أنه مش صح
ولو مقتنعين انه صح يبأه حد يقنعني |
يا سلام انتى جيتى فى جمل
اوك هقنعك براحه والحل هيكون بالتفصيل الممل
بصى يا ستى استحملينى بقى
احنا عندنا 9 كور صح هنقسمهم لثلاث مجموعات زى ما قلنا
اول مجموعتين هنحطهم فى الميزان طبعا كل مجموعه فى كفه
دلوقتى بقى عندى ثلاث احتمالات صح ؟
اول احتمال ان المجموعه الاول تتطلع اتقل او المجموعه التانيه تتطلع اتقل او يطلعو متساويين
وفى الحاله الاخير لما يطلعوا متساويين هتكون الكوره اللى زايده فى المجوعه التالته اللى هى برده
طبعا هتقولى انا كدا موضحتش حاجه
بس لاحظى ان فى التلات حالات ان هيكون عندى 3 كور
واحده فيهم هى اللى زايده
نروح بقى للخطوه اللى بعديها وهى الميزانه التانيه
دلوقتى انا عندى فى التلات حالات 3 كور تمام
هحط كوره فى كفه وكوره تانيه فى الكفه التانيه
وبكد هيتبقى كوره واحده برده صح
بعد الميزانه التانيه دى هيكون عندى 3 احتمالات
الاول ان الكوره الاولى يعنى اللى فى الكفه الاولى تتطلع اتقل وبالتاى تكون الكوره اللى زايده
والاحتمال التانى نفس الاحتمال الاولانى بس بالنسبه للكره التانيه
اما الاحتمال التالت انهم يكونوا متساويين وبالتالى تكون الكوره اللى زايده هى اللى بره
يااااااااااااااه اخير خلصت
يارب ما تكونى اضايقتى من الشرح الطويل الممل دا
مع تحيات KHALOOOD