ايوا كل حاجة دلوقت في البلد عايزين تمشوها بالمظاهرات !!
والله الناس تسكت عن حقها تقولوا سلبيين تتكلم تتجاهلوهم يتظاهروا تقولوا مخربين
لو حضرتك قريتى كلامى اللى فوق هتلاقى إن إعتراضى إن الوزير الجديد جمد كل قرارت الوزير القديم ولغى الزيادة المقررة أو خفضها مش فاكر وقال هننعش سوق الجامعات الخاصة اللى هو يمتلك جزء منها
مش ده برضه أسمه تجاوز المال بالسلطة..؟؟
يعني حاجة طبيعية ان التنسيق يعلي طالما الامتحانات جت سهلة
إمتحانات جت سهلة فى سنة وسنة لأ....
والله لحقت طب ملحقتهاش ده نصيبك و ربنا شايف ان فيه الخير ليك
وبعدين ما كل سنة نفس النظام وبتفرق مع ناس علي 0.1
ده فى حالة إن الطب تنسيقه كويس أصلا
أعلى تنسيق جابه الطب كان 403.5 فى 2007
فانتوا بقي يعني مش اول دفعة ولا اخر دفعة
لأ...إحنا الدفعة اللى بعد سنة الفراغ
يعنى الطب كل سنة ببيطلع منن كليات الطب خوالى مثلا 7000 دكتور على مستوى الجمهورية
جه السنة اللى قبلينا وطلع 200 واحد بس
بكل بساطة كده مش ده هيؤدى إلى طـــــــــلــــــــب زيادة الأعداد اللى هتطلع فى السنة اللى بعديها..؟؟
بس انتوا بس ما صدقتوا بعد الثورة و لقيتوا كل واحد بقي بياخد حقه بدراعه
و البلد تضرب تقلب مش مهم !!!
طب كويس إنك أعترفتى إن ده حقنا
ولا يضيع حق ورائه مطالب
أتفق معاكى مينفعش إقتحام ولا الكلام الفاضى ده
لكن بلاش أرجوكى نبرة الإتهام بالإنتهازية دى
حتي لو انت جايب مجموع عالي و ملحقتش طب فده عادي
لان الامتحانات جت سهلة
ولو الامتحانات جت بشكل طبيعي اقصد اصعب شوية
فدي مش هتبقي درجتك هتقل شوية عن كده بحيث متلحقش طب
يعني الموضوع كله نسبة وتناسب فمش هتيجوا بقي تغيروا النظام في ثانية !!
ده حضرتك عايزة تقنعينى إن كل شئ متصلح فى الثانوية معادة الإمتحانات الصعبة والسهلة...!!
وإن دى بس هى اللى بتحدد النسبة والتناسب اللى بتقولى عليها..؟؟
والاعداد مينفعش تزيد !! كل كلية و بتسحتمل عدد معين هتدوها اكتر من طاقتها ازاي ؟!!!!!!!1
سااعتها مش هتتعلموا كويس خاصة و انكوا بتكلموا في كليات عملية !!!
و اما هتتخرجوا ومش تلاقوا شغل يعني هتسببوا بطالة بالطريقة دي !!
طب الحمد لله
السنة دى الكليات قليلة عشان سنة الفراغ
ومش ذنبنا إن فى بطالة
ده ذنب الحكومة
والبلد فعلا محتاجة دكاترة وصيدلانيين
والله لو شفتى حضرتك المستشفيات والدور اللى بيقفه الواحد هتقولى عايزين دكاترة أكتر
والصيدليات اللى موقفة عيال صغيرة هتقولى عايزين صيدلانيين أكتر
ومش ذنبنا إحنا إن فى بطالة
ده ذنب النظام السابق والحكومة الحالية
وإحنا قدامنا لسه 7 سنين على ما نتخرج وساعتها بقى لازم يكون فى وظائف وإلا الثورة هتبقى ولا ليها لزمة
وده مش معناه اني مع الوزير الجديد في كل شئ
انا اصلا ضد التعليم الخاص يعني ازاي واحد جايب مجموع زفت و يدخل طب او هندسة عشان شوية فلوس !!
وفي الاخر يتخرج و يبقي فاشل و يموت الناس بغباءه !!
أومال إحنا بنعترض على إيه....يعنى إيه يفتح المجال للتعليم الخاص ويضيقه على العام..؟؟
وانا برده مش مقتنعة بنظام الثانوي و انه بيقيس القدرات و كده لكن ده النظام عندنا هنا
بايظ من الاساس !!
متجوش انتوا بقي تبوظوه زيادة !!!!!!!!!!!