[samar saad]

من أنت ؟ و ما لذي تفعله هنا ؟

انا انسانه عايزة تتعلم وتكتسب حاجات جديده وتتعرف على الناس

*لو ظهر في داركم بئر نفط هل ستخبر الدولة أم لا؟

اكيد طبعا هخبرهم , سؤال غريب اوى

*لو قدر لك أن تدخل السجن فما هي القضية التي تتمنى ان تدخل بها إليه ؟

ياساتر يارب بس لو كده يبقا *** احمد زكى بدر

*أنت مكلف بحذف حرفين من حروف اللغة العربية .. أيهما ستختار ولماذا ؟

مش عارفة والله ممكن حرف الض عشان صعب اوى فالنطق وحرف الظ مش بحبه برضه والله اسأله غريبة وحلوة اوى

*في يدك قنبلة يدوية وفي الأخرى وردة حمراء .. أين ستضع القنبلة وأين ستضع الوردة؟

الوردة هحطها فقلبى والقنبلة هفجر اى حد يضايقنى هههههههههه

*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟

لا بالعكس الكتابه دى اهم شىء فحياتنا وبتنسينا اى هموم وبتخلى الواحد يعبر عن كل شىء جواه واى حاجه تعباه بيطلعها فلا الكتابه اهم شىء فالحياه فهى فكر مكتوب

*بجملة واحدة فقط أكتب تعريفا لكل كلمة من الكلمات التالية:

الوطن :قلبى

الأم :روحى

الليل :حزين

الصمت :ملل

أمريكا :جبارة

الإنترنت :تضيع وقت

المنتدى :استفاده

الماسنجر : رغى على الفاضى ومش بحبه

*على افتراض أن كائنا أتى من المريخ ووجد أمامه صحيفة برأيك كيف سيعرف أنها صحيفة عربية؟

مممممممممممم بجد مش عارفة بس ممكن مثلا يكون بيعرف عربى شوية اكيد عندهم دش فوق هههههههههه

*كيف تتخيل العالم دون الشاي

ده اساس حياتنا واكيد الناس مش هتبقا مبسوطة من غيره


*اختر منصبا واتخذ قرارا ! ؟

رئاسة الدولة . منع اى ثورات تانية كفايه كده

*عاد المتنبي وقصدك لتبحث له عن عمل ماذا ستقترح عليه ؟

مش عارفة والله بس اكيد هنمسك حاجه للشعر والشعراء

*يقولون أن أنظمتنا العربية متسلطة على شعوبها .. لكي تنشأ جيلا صبورا أمام المحن !
ما تقول أنت ؟

ما من كتر تسلطها شعبها ساكت وكاتم فقلبه والمقولة صح فعلا

*أختر خمسة أعضاء من المنتدى وامنحهم ألقابا ؟

الله حلو السؤال ده اوى طب انا هقول اقرب ناس ليا

سمر : الطيبة القاسية
حلمى : فنان قادم
الصمت الحزين : المفكر الصامت
امجد: الرجل الغامض
زوزو : مراهقه ارهقتها الحياه

وناس كتير اكيد بس دول شخصيتهم بتشدنى اوى
*وجه رسالة لشخص لا يعرفه إلا أنت ؟

" اقوله انت الوحيد اللى قدرت تحزنى بجد والوحيد اللى خلانى خدت قرار صعب وانت الوحيد اللى تعبت لما بعدت عنه ويارب اشوفك احسن الناس وبتمنا اشوفك فالجنه ان شاء الله وماتزعلش من بعدي عنك بس ده احسن حل "

*ما هو لون النسيان؟
اسود قاتم


بجد اسئلة جامده اوى وغريبة بجد عجبتنى اوى