[hatemT]

المشاركة الأصلية كتبت بواسطة Amr Eltaweel

السلام عليكم ..
..
انا الحمد لله جبت 97.2 وتقريبا كدا باذن الله هندسة القاهرة فـ كنت عاوز استفسر عن شوية حاجات كدا ع الماشي
100000 مبروك يا بشمهندس
..
1. الادوات اللي بستخدمها في اعدادي اجيبها من سمير وعلي ولا اي مكتبة عادي وأجيبها من نفسي ولا استنا الدكاترة يقولولي عليها ؟؟
سمير وعلي ........... أنت مش في حصة رسم الدكتور هيقولك هات من المكان الفلاني... هو هيقولك هات كذا,,,,,مالوش فيه بقى تجيبه من فين..إلا لو كان مظبط مع مكتبة الله أعلم
2.اول اسبوع ف الدراسة بيبقا في شغل ولا ايه ؟؟ يعني بيمر عادي ولا بحتاج في ادوات وشغل عالي وكل دا

أول اسبوع الحياة بتبقى بيس والناس بتتعرف على بعض, وبتعرف السيكشن بتاعك , والجروب بتاعك, والأدوات اللي هتجيبها. بس ده مش معناه أن مفيش محاضرات
3. معاملة الدكاترة للطلبة ايه نظامها عشان نبقي علي بلاطة كدا من اولها .. يعني الواحد داخل القاهرة وكله امل في معاملة نضيفة لاني بسمع ان دكاترة عين شمس تقال اوي والمعالمة ناشفة دبابة

بص المعاملة بتختلف من دكتور للتاني, بس في العموم احترم الدكتور يحترمك....وتحترمه أنك تحضرله المحاضرات كلها, وتعمل إللي يقولك عليه

4. هقدر اكتفي بالدكتور ولا لازم ادخل سنترات ووجع قلب تاني ؟؟ الواحد ما صدق انه خلص منها في ثانوية

نصيحة من مجرب, بس أنا واثق أنك مش هتعمل بيها...فكك من الكورسات, والكلامالفاضي ده, مفيش أحسن من كلام, ومحاضرات الدكتور..عشان ببساطة هو إللي بيحط الامتحان
لو في اسئلة تانية هحطها في البوستس اللي بعد كدا
واتمني حد يعبرني

ولكم جزيل الشكر ولا مؤاخذة

نصيحة بقى من العبد لله......وهي دي أهم من كل الكلام إللي فوق ده

لما تدخل الكلية إن شاء الله

هتلاقي مجوعات أنشطة طلابية مثل (STP,IEEE,SPE,MOIC)

طبعاً أنت مش فاهم الكلام ده معناه إيه!!!!!!!!!!!!!

بس نصيحة مني لما تدخل وتلاقي البوث لتاعهم (هما بيبدأو أول التيرم) متسبهمش... ولازم ترشق معاهم لأن هو الكلام ده إللي هيفيدك,,,,,,,,,,, أكتر من الحياة الأكاديمية
ولو احتجت أي حاجة انا تحت أمرك

حاتم توفيق (جامعة حلوان-2010)