ببدا سلامى على خربها و بعياله جاب اجلها
لو ترضى تبقى نفسي و تعيشها بارفها
مكنتش يوم تفكر تنسي نفسك وتبيع ترابها
مش بلدك دى ودمك و منها مات عيالها
فى البحر غرقوا فى عبارة و كان صاحبها
...غافل و ضايع و وبايع كمان شبابها
بحق كل قرش ضاع و اتسرق من قناتها
و كل زهرة دبلت و اداس جمالها
و كل لقمة عيش شعبك ما داقها
و عيشه ضنك سيادتك سببها
وبحق ناس غلابة عشقوا بلادها
ما هنسيبك تخرج زى الشعرة من عجينها
ان كنت فاكر ان جرح السنين فى ثانية تطايبها
و ان حق شهدا ماتوا عشانها
راح فى نفخة سيجارة سيادتك شاربها
و لو لسه بتفكر ان السجون هتفارقها
تبقي ناسي ان مصر ليها صوتها
و بايديها تمحى صورتك و بعزة ولادها
تندم على كل لحظة فى حياتك عايشها
و تبوس ترابها و تمسح دموعها
و تتشيل همومها و تحس بتعبها
يمكن للحظة تحس انك فى يوم ظالمها
written by me / nada allam