فى طنطا بتدخلى الأول كهربا بتقدير مقبول ، شايل مادة أقصى حاجة ، المقبول ده بيبقى فى حدود 62
و بعدين بتاخدى الفرقة الأولى كهربا و منها بتتخصصى لتلات أقسام
اتصالات و اليكترونيات
حاسبات و معلومات
قوى كهربية
و التنسيق بمقبول و كده
بس أعلى قسم اتصالات نظرًا لأنه أصغر قسم فى كلية طنطا
و حاسبات بتاخد ناجح فقط لا غير ، و حاليًا كلية طنطا بتتطور جامد فى الأجهزة و كده
حاسبات دكاترتها حلوة و دراستها سهلة و ربنا معاكى
بالنسبة للغة حاليًا إعدادى طنطا بقى فيه كذا مادة انجليزى
إنما لو دخلت كهربا تخصص فطبعًا كله انجليزى
بس انجليزى هندسة اسمه تكنيكال انجليش بمعنى إنها مجرد مصطلحات هندسية و بما أن و إذن و ينتج أن و هلم جرا
بالنسب لمجال الشغل أولاً مفيش حاجة اسمها كمبيوتر هههههههه
كل حاجة من أول الآلة الحاسبة لحد الصاروخ كمبيوتر
فيه مجال شبكات ، برمجة ، إليكترونيات ، هاردوير ، إلى آخره
ممكن تبحثى عن موقع عرب هاردوير مثلاً
و هتلاقى كل مجالات الكمبيوتر أو اللى بنقول عليها it آى تى
كل فيه ليا رد لوحدة زميلتك إن شاء الله فى هندسة طنطا اتكلمت فيه عن إعدادى هندسة ممكن تبقى تقريه عشان تستفيدى
و للمعلومية مجال الآى تى مفتوح لكل الناس مش شرط هندسة
الفكرة فى الشغل خبرتك ، شهاداتك ( الامتحانات الدولية فى كورسات زى مايكروسوفت و سيسكو )
عمومًا ركزى فى إعدادى عشان القسم هو صحيح كل الأقسام مقبول بس ده يدل على المعاناة و الذل اللى هتشوفيها
عايزك بقى تدعى ربنا الثورة تأثر ههههه
بالمناسبة بيتناقش حاليًا فى الكلية فكرة إن الأقسام باختيارك بدون تنسيق و فيه ناس بيقولوا اتنفذت
أرجو أكون افدت و لو قليل
بالتوفيق ،،،،،،،
__________________
من السهل أن يكون لك مكان في دفتر عناوين أصدقائك
ولكن من الصعب أن تجد لك مكاناً في قلوبهم
|