[منار على]

=نجيب الهلالى;3751753]وانت اية يهمك انت مدرس انجليزى وتلاقيك بتدى دروس على اخرك
وسلملى عالضمير[/quote]

تخيل حضرتك الضمير اللى حضرتك بتتكلم عنه دا هو السبب الاساسى فى اللى احنا فيه دلوقت

لان من وجهه نظرى ان تقدم اى امه السبب الاساسى فيه التعليم

فلما كل واحد فينا يبتدى بنفسه ويراعى ضميره فى شغله ويعلم الطالب ازاى يكون عنده ضمير حى ويعرف ربنا

حتى لو مقدرناش نقدمله علم

مع الوقت ومع خروج الطالب دا للمجتمع حتى لو اشتغل شغلانه بسيطه جدا
مكانش دا يبقى حالنا دلوقت يعنى شوف بقى حضرتك المدرسين ممكن يعملوا ايه فى مجتمع بأكمله

لكن بقى لما المدرس يعمل غير كدا

زى المدرس اللى بيغشش طالب مثلا دا بقى بيعمل الاتى

اولا بيكون قدوه سيئه وبيحلل حاجه حرام وبيعلم الطالب ازاى يطلع غشاش وبالتالى كداب ومنافق

كمان بيعلمه عدم احترام التعليم ولا المعلم نفسه شوف بقى الطالب دا لما يطلع بعد كام سنه ويبقى فى منصب مهم فى البلد طبيعى طبعا ان يبقى حال البلد بالشكل اللى فيه دلوقت حتى لو اشتغل الطالب دا اى مهنه هتكون النتيجه كارثه هنلاقى نجار غشاش وسباك مستغل كما تدين تدان شوف بقى دول كااااااااااااااااااااااااااااااام

كمان المدرس اللى بيجبر الطالب انه ياخد عنده درس ومش بيراعى ضميره فى شغله
وبيدى لنفسه اعذار زى هشتغل على قد المرتب اللى باخده وانا اتعب نفسى ليه وانا باخد ملاليم

ولا المدرس اللى يطلع مراقبه ويخاف من الاهالى لينضرب اخر يوم ويسيب اللجان وينيم ضميره مش عارف انه بيرضى الناس فى سبيل اغضاب ربنا وبيحاول يدارى جبنه ورا مليون سبب وسبب الاهالى غلبانين وتعبانيين ياحرام طول السنه ومصاريف مسالش نفسه ان فيه اهالى كمان تعبانين على ولادهم ونفسهم يشوفوهم متفوقين بمجهودهم ودا باللى بيعمله بيساوى ناس تعبت بناس قاعده تراجع قدام الافلام والمسلسلات
او يكون بيراقب فى مدرسته ويعمل خواطر للاهالى ويدخل يقدم الغش بنفسه للعيال وهو مبسوط اوىىىىىىى ولا كأنه بيقدم خدمه انسانيه مسألش نفسه ياترى لما طول السنه انا قاعد اقول من غشنا فليس منا واللى يذاكر ينجح والغش حرام ويدخل بنفسه يغشش هو الطلبه ياترى بيعلمهم ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟ ابسط حاجه علمها ليهم ان الغش حق مكتسب ودا واضح جدا خاصه فى مراقبات الثانويه العامه
وايه خطوره دا تربويا على الامانه اللى بين ايديه ؟؟؟؟؟؟؟؟؟؟ ياترى لو سالنا نفسنا كام مدرس فينا بيعمل الاعمال دى وغيرها وغيرها واللى تندرج تحت عنوان انعدام الضمير ياترى هيبقى العدد كام وياترى نسبه الطلبه اللى بيخرجوا للمجتمع وبيتأثروا بيهم كاااااااااااااااااااااااااااااااااام هنلاقى ان النتيجه الطبيعيه هى اللى بنعانى منه حاليا فى مجتمعنا ومش معنى كدا طبعا انى بعمم دا بالعكس فيه مدرسين كويسين جدا وبيراعوا ضميرهم جدا وبيخافوا على اولادهم لان كما تدين تدان وبيعاملوا ربنا ودول قابلت منهم كتير واتعلمت اكتر لكن للاسف هما كام بالمقارنه باللى غير كدا

والغريبه بقى ان الناس بتسأل ياترى ليه المدرس اقل فئات المجتمع احتراما مش واخده بالها اساسا اننا اللى بنصنع احترامنا بنفسنا وبأفعالنا اولا وقبل اى سبب تانى وبتحاول تدى لنفسها مليون مبرر ومبرر
كمان كان فين المدرس
كان فين لما كان بياخد تعليمات غلط من الاعلى منه زى نجحوا العيال وبالتالى غششوا العيال واللى مع الوقت وعلى المدى الطويل ممكن تعمل كارثه فى المجتمع وانهيار لقيم كتير كان بينفذ وبس وبيقول فى نفسه هو انا يعنى اللى هغير الكون مش عارف ان كل واحد لو ابتدى بنفسه فى مده قليله كدا حاجات كتير كان ممكن تتصلح
كان فين ايام امتحانات الكادر المهينه فين وقفته وفين ثورته على اهانته
كان فين من زمان مع مرتبه القليل ولا هو المرتب القليل بس دلوقت
كانت فين وقفته وثورته لما بيشوف حاجات كتير وكتير غلط وغلط كان ساكت ولسه ساكت لان كتير مننا ومش كلنا اتعلم انه يمشى جمب الحيط ويقول وانا مالى مع ان المفترض ان الثوره كانت تبتدى من التعليم واللى كان يقودها هو المعلم المصرى نفسه ومن سنين لو كنا ثورنا على اوضاعنا الغلط من زمان ووقفنا وقفه مع نفسنا وصلحنا اخطائنا ووقفنا قدام غيرنا وقفه بجد كنا دلوقت اكتر فئات المجتمع احتراما وتقديرا لكن للاسف افعال نسبه مش قليله مننا هى اللى اساءت لينا كلنا
وعلى العموم لسه الوقت مفتش دايما فيه كل يوم فرصه جديده للاصلاح والمطالبه بحقوقنا الضايعه وتصحيح اخطاءنا والوقوف مع نفسنا
إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ

طبعا مش بعيد بعد كلامى دا انى اقابل بهجوم جامد جدا وانى بهاجم زمايلى لكن انا بتكلم عن واقع شفته بعنيه واقع مؤسف للاسف واقع صدمنى من اول مااشتغلت وياريت قبل اى رد فيه هجوم نسأل نفسنا ياترى اللى قلته دا حصل ولسه بيحصل ومن نسبه كتيره فينا وبنشوفه ولا لا ؟؟؟؟؟؟؟؟؟؟؟؟ ياريت قبل مانطلب العدل نحكم احنا بالعدل ونعترف بعيوبنا قبل مميزاتنا نعرف اللى لينا واللى علينا ومش معنى كدا انى ضد المطالبه بحقوقنا بالعكس دا حق لينااااااااااااااااااااااولازم نطالب بيه

وعلى فكره اللى شفته دا كان خلال 4 سنين بس فى التربيه والتعليم مش عارفه ان كنت بشتغل من 10 سنين كان حصلى ايه ؟؟؟؟؟؟؟؟؟؟؟